Sardor Rashidov: "O'yinga kirishib ketganim yaxshi bo'ldi"

"Osiyo Kubogida debyut o'yinimni o'tkazganimdan xursand bo'ldim. Agar o'yinimiz muxlislarga yoqqan bo'lsa bundan mamnun bo'lishimiz kerak. Biroz hayajon bor edi. Bunday turnirlarda ilk marotaba maydonga tushishim edi", - deya gap boshladi "Bunyodkor" yarim himoyachisi.

- Tezda o'yinga kirishib keta oldingiz...

- To'g'ri aytasiz, mashg'ulotlarda o'yin davomidagi har qanday holatlarga tayyorlanamiz. Bugun jamoani xis qila olganim uchun ham kirishib ketishim oson kechdi deb o'ylayman. Ishtiyoq ham katta rol o'ynadi deb o'ylayman.

- Ikki marotaba yaxshi zarba berdingiz, bunday qarorga kelishingizga sabab raqib himoyasi charchaganimi yoki darvozabonni ojiz nuqtasini topa olganiz?

- U ham, bu ham desa bo'laveradi. To'p nam paytida uni harakatlanishi darvozabon uchun qiyinchilik tug'diradi. Umuman olganda yoqqan yomg'ir bizni foydamizga xizmat qildi deb o'ylayman. CHunki pas o'ynar ekanmiz, to'pni sirpanishi oshdi. 

Nodirxo'ja Yuldashev