Sardor Rashidov: "Guruhdan chiqishimizga ishonaman"

Uchrashuv yakunlanganidan so'ng "temiryo'lchilar" vingeri Sardor Rashidov fikrlarini bildirib o'tdi.  

"Zob Ahan" jamoasiga qarshi uchrashuv ancha qiyin kechdi. Odatda Eron jamoalari uyda ancha tajovuzkor o'yin namoyish etishadi. Raqibni qo'lga kiritilgan g'alaba bilan tabriklayman. Lekin bugungi mag'lubiyat "Lokomotiv" kurashni to'xtatganini anglatmaydi. Zero, oldinda o'yinlarimiz ko'p va nasib etsa, kelgusi bellashuvlarda g'alaba qozonib, nimchorak finalga yo'llanmani qo'lga kiritamiz", -  dedi Rashidov.