Sardor Mirzaev: "Hamma har xil holatda kelgani bois o'yin yaxshi chiqmadi"

- To'g'risi, bu jamoa qay tarzda yig'ilayotganini kelishdan avval bilmagandim. Bir kun oldin ushbu jamoaning ro'yxati chiqqach - bu OTJ ekanini bildim va uch nafar katta yoshli futbolchilar o'ynashi mumkin ekan. Men "Lokomotiv" bilan Minskda yig'inda edim. Kecha, yani 19 iyul kuni yurtimizga etib keldim. Kelgandan so'ng murabbiylar birinchi marta bunday bir kunlik yig'in bo'lib qolganini tushuntirishdi. Vatan uchun 1 kun bo'ladimi, yarim kun bo'ladimi o'ynash burchimiz va buni ado etdik. Tayyorgarlik, futbolchilar bir-birini yaxshi tushunib ketishlari uchun albatta 1 kun oz muddat. SHu bois bugun o'yinimiz u qadar chiqmadi. Ayni paytda barcha jamoalarda ikkinchi davraga tayyorgarlik ketayotgani bois, kimdir jismoniy taraflama shug'ullanmoqda, boshqalar to'p bilan. Hamma har xil holatda bu erga tashrif buyurdi. Bu esa o'yinga o'z tasirini ko'rsatdi. SHu taraflama o'yin qiyin kechdi. Ammo muhimi g'alaba qozondik. Yig'in davom etadimi? To'g'risi, hozircha hech narsani bilmayman. Mehmonxonaga borgandan so'ng hammasi malum bo'ladi.