Sardor Azimov: "Lokomotiv"ni ishtiyoq va xarakter evaziga mag'lub etdik”

“Lokomotiv” bilan o'yin haqida

“Bugun qiziqarli va kurashlarga boy bahs bo'ldi. Biz “Lokomotiv” bilan oson o'yin bo'lmasligini bilardik va mashg'ulotlarda ushbu bellashuvga puhta tayyorgarlik ko'rdik. O'yin davomida ham tezroq harakat qilgan holda, imkoniyatlarimizdan foydalanishga urindik.

Qo'lga kiritilgan g'alaba borasida

“Biz har bir o'yinga raqibdan kelib chiqib bir xil tayyorgarlik ko'ramiz. Maydonga chiqdikmi, bir oila bo'lib harakat qilamiz. “Lokomotiv”ni muxlislarimiz qarshisida yutishni istadik. Bosh murabbiyimiz ham o'yin avvalida ortga yo'l yo'qligini va bugun yutmasak bo'lmasligini takidlagandi. Qisqasi, ishtiyoq va xarakter ko'rsatgan holda g'alaba qozondik.

G'alaba goli to'g'risida

“To'g'risi, o'yinda gol urishimni kutmagandim. Allohga shukrki, bugun gol urib, jamoam g'alabasiga hissa qo'shganimdan xursandman. Jamoadoshlarimsiz gol ura olmasdim.

Qolgan bahslar xususida

“CHempionat tugashiga 3 tur qoldi. Oldimizda jiddiy raqiblar kutmoqda. Mazkur bahslarga puhta tayyorgarlik ko'ramiz va mavsumni yuqori notada tugatmoqchimiz. Bu yo'lda bizga oson bo'lmasligi aniq. Lekin “Qo'qon-1912” so'nggi turlarga qadar ijobiy natijalar uchun kurashadi.