Santush: "Portugaliya jahonning eng yaxshi jamoasi emasligini bilamiz"
07 iyu 2016 04:43
Yangiliklar
![](https://championat.asia/upload/storage/214407_original.jpg)
![](/upload/storage/214407_220.jpg)
Santush: "Portugaliya jahonning eng yaxshi jamoasi emasligini bilamiz"
"O'yin juda qiyin bo'lishini kutgandim. Ammo biz raqibning kuchsiz tomoniga emas, o'zimizning kuchimizga ishondik. Uels - juda yaxshi jamoa. Koulman fantastik ishlarni bajardi. Yigitlarimga nisbatan ham shu so'zlarni ishlatishim mumkin. Ular Uels qarshiligini sindirib, ajoyib gollar ura olishdi.
Bizda doimo o'yinga aniq reja bo'ladi. Bu himoyaviy va hujumkor harakatlar bilan bog'liq. Portugaliya jahonning eng yaxshi jamoasi emasligini bilamiz. Ammo bizda o'zimizning kuchli tomonlarimiz bor. Har bir raqibga o'zgacha yondoshish kerak. Uels avvalgi raqiblarimizdan ancha farq qiladi. Britaniyaliklarda tezkor hujumchilar bor. Ular to'p bilan katta tezlikda harakatlanmasliklari kerak. Rejamiz ish berdi deb o'ylayman.
Portugaliya terma jamoasidagi birinchi o'yinim qanday bo'lganini bilasizmi? To'g'ri, "Stad de Frans"da o'ynagan edik. O'shanda yigitlarga quyidagi so'zlarni aytganman: "Biz ikki yildan so'ng Evro-2016 finalida o'ynash uchun shu erga qaytishimiz kerak". Endi bizda yangi maqsad - Evropaning eng yaxshi jamoasiga aylanish. Finalda g'alaba qozonmoqchimiz. SHunchaki ishtirokchi bo'lish niyatimiz yo'q" - deydi Santush.
O’xshash yangiliklar
![AMP Logo](https://championat.asia/image/logo-amp.png)
Fikrlar