Sanat SHixov: "Andijonda o'z mehnatimiz evaziga g'alaba qozondik"

Uchrashuvda samarqandliklar safida Sanat SHixov faol harakatlari bilan boshqalardan ajralib turdi. Uning dubli jamoasi uchun qimmatli uch ochkoni keltirdi. O'yindan so'ng SHixov jurnalistlar qurshovida qolib ketdi va OAV vakillarining bir nechta savollariga javob berdi. Aytgancha Sanat bu o'yinda "Dinamo"dagi eng yaxshi o'yinchi sifatida taqdirlandi.

- Albatta safardan g'alaba bilan qaytayotganimizdan xursandman. Maydonning xolati yaxshi bo'lmasada yutish uchun astoydil harakat qildik. Uch ochkoni o'z mehnatimiz evaziga erishdik deb o'ylayman.

- 1:0 hisobida oldinda borayotib qisqa fursat ichida o'z darvozamizdan ikkita to'p o'tkazib yubordik. SHunda hayolimga deyarli yutqazdik degan o'y keldi. CHunki bu paytga kelib ko'p kuch sarf etib yuborgandik. Lekin uchrashuv oxiriga qadar iroda ko'rsatib jiddiy kurashdik va yakunda g'alabani ilib ketdik.

- Kiritgan birinchi golim mezbonlarda shubha uyg'otdi. Ochig'ini aytaman, bu toza gol edi. Lekin raqib futbolchilari to'r teshik ekanligini hakamga ko'rsatishdi. Bu meni hayron qoldirdi. Agarda shu kabi gol bizning darvozamizdan joy olsa, uni mardlarcha tan olaman.

- Bugun omadimiz kulib boqdi. Omad ham kuchlilarga kulib boqadi degan gap bor.

- Uchrashuv so'nggi daqiqalarida ikkinch  golimni kiritib jamoamga g'alaba keltirganimdan xursandman. To'g'ri ilgari ham oxirgi soniyalarda gol urib jamoamga ochko keltirgan o'yinlar bo'lgan. Bu tasodif. Ko'p narsa omadga ham bog'liq  deydi Sanat SHixov.

Islombek Rustambekov.