Samvel Babayan: "Vazifamiz eng yaxshi o'yinni ko'rsatish"

Samvel Babayan ("Paxtakor" bosh murabbiyi): - Futbol ananalariga ega va uni juda yoqtiradigan Eronda bo'lib turganimdan xursandman. Bizni juda muhim o'yin kutib turibdi. Raqibni juda yaxshi bilamiz, Eron chempionatida ijobiy natijalarga erishayotgan kuchli jamoa, CHempionlar ligasining oxirgi ikki o'yinida juda yaxshi futbol namoyish qildi. Qiyin o'yin bo'lishi aniq. Vazifamiz eng yaxshi futbolni namoyish qilib, turnirda ishtirokimizni davom ettirishga imkoniyat beradigan natijaga erishish. Uch jamoada yaxshi imkoniyat bor. Ertangi o'yin qaysi jamoa olg'a yurishda davom etishi mumkinligini ko'rsatadi. Tajribamda 3 turdan keyin 1 ochko to'plagan jamoalarning keyingi bosqichga chiqqani kuzatilgan. Guruhimiz g'arbiy mintaqada eng kuchlisi. Har bir jamoa kurashni oxirigacha davom ettiradi.
Akbar Ismatulaev ("Paxtakor" yarim himoyachisi): - O'ylaymanki, ertaga muxlislarni qiziqarli o'yin kutib turibdi. O'z o'yinimizni ko'rsatib, uyga zarur natija bilan qaytishga harakat qilamiz.
 
Ali Rizo Mansuriyan (“Naft” bosh murabbiyi): - Ertaga yaxshi o'yin kutyapman. Turnir boshidan buyon barqaror o'yin ko'rsata olmayapmiz. Oxirgi 2 uchrashuvda zarur natijani qo'lga kiritdik. Bizda CHempionlar ligasida ham, milliy chempionatda ham bosim mavjud, lekin bor kuchimizni ko'rsatishga intilamiz. So'nggi vaqtlarda Eron chempionati Angliyanikiga o'xshab ketdi, har 3-4 kunda maydonga tushyapmiz. "Paxtakor" guruhdagi eng kuchli jamoa bo'lsa kerak. U juda tartibli futbol namoyish qiladi. Tarkibida kelajakda yaxshi saviyadagi ijrochilarga aylanishi mumkin bo'lgan o'yinchilar bor. Bizda ham o'sishga muhtoj futbolchilar etarli.