O'zbekiston olimpiya terma jamoasining Qatarda bo'lib o'tadigan 23 yoshgacha bo'lgan futbolchilar o'rtasidagi Osiyo chempionatida yuqori saviyada ishtirok etishini taminlash, 2016 yilgi Olimpiya o'yinlarining futbol musobaqasiga yo'llanmani qo'lga kiritish yo'lidagi tayyorgarliklarni yanada kuchaytirish maqsadida O'zbekiston Futbol Federatsiyasi Prezidenti qaroriga asosan olimpiya terma jamoasining yangi murabbiylar shtabi tasdiqlandi.
Shtab quyidagicha ko'rinish oldi:
Bosh murabbiy: Samvel Babayan
Katta murabbiy: Viktor Jalilov
Murabbiy: Ravshan Haydarov
Jismoniy tayyorgarlik bo'yicha murabbiy: Andrey Shipilov
Darvozabonlar murabbiyi: Anvar Rashidov
Ilmiy uslubiy guruh: Gregoriy Kolosovskiy, Farhod Abduqodirov
Shifokor: Umid Bahromov
Mamur: Vitaliy Jalilov
Shu bilan birga yangi bosh murabbiy rahbarligidagi O'zbekiston olimpiya terma jamoasining dekabr va yanvar oyidagi ish rejasi tasdiqlandi.
Eslatib o'tamiz, O'zbekiston olimpiya terma jamoasining oldiga Braziliyada bo'lib o'tadigan Olimpiya musobaqalariga yo'llanmani qo'lga kiritish vazifasi qo'yilgan.
