Samvel Babayan: "Maqsadimiz chempion bo'lish"

"Qiziqarli o'yin bo'ldi, menimcha u muxlislarga yoqdi. Ushbu raqibga qarshi juda jiddiy tarzda tayyorlangandik. Bahs boshida o'tkazib yuborgan goldan so'ng o'zimizga kela oldik. Yigitlarga xarakter namoyish etishgani uchun rahmat. Himoyada ham hujumda ham yaxshi o'ynay oldik.

Maqsadimiz chempion bo'lish. Agar barcha o'yinda yutsak bunga erisha olamiz. CHempionlik uchun to'rtta jamoa kurashmoqda hech birini hisobda chiqarmagan bo'lardim.

Zaxira o'rindig'imiz ancha uzun. Zaxiramizda bir qator yoshlar bor. SHu bois mavsum oxriga qadar bu qiyinchilik tug'dirmaydi deb o'ylayman.

Bunga qadar bo'lgan o'yinlarda ko'pinchi bitta to'p farq bilan yutayotgandik. Bugun esa yirik hisobda yutdik. Bu mashg'ulotlarda qilingan mehnat samarasidir

Ijaradagi barcha o'yinchilarni kuzatib boramiz, agar o'zimizda kamchilik sezsak ularni qaytaramiz. Masalan, Toxir SHamsiddinovni davralar oralig'ida ortga qaytarish haqida ham o'ylagandik, yakunda uni "Navbahor"da qoldirdik.

SHu o'rinda navoiylik muxlislarga qoyil qoldim. Ular "Qizilqum"ning g'alabalarini ko'rishga munosiblar, ushbu jamoaga keyingi o'yinlarda omad tilayman, - deydi Samvel Babayan.