Samvel Babayan: "Himoya chizig'imizni kuchaytirishimiz lozim"

Eng avvalo, ushbu o'yin muhim hisoblanadi. Jamoalar qanday o'rinlarda bo'lmasin, bu muhim o'yin bo'ladi. Muxlislar ko'payganidan xursandmiz. 

O'yinga keladigan bo'lsak, tablodagi hisob barchasini aytib turibdi. Zuhurov bekorga "Bunyodkor"ning eng yaxshi futbolchisi emasligini isbotladi.

"Bunyodkor" jiddiy raqib. U erda kuchli futbolchilar yig'ilgan. Bugungi jamoalar OCHL saviyasidagi jamoalar edi. Himoyamiz borasida ish olib boramiz. Bu chiziqni kuchaytirishimiz lozim. 

Sergeev yana bir bora kuchli futbolchi ekanligini isbotladi. Qolganlarga keladigan bo'lsak, hech kimni ajratib o'tirmoqchi emasman. 

Oraxovac? Yana aytaman, himoyamizga yangi kuchlar kerak. Bugungi Adnan va yanvardagi Adnan umuman boshqa boshqa futbolchilar. Bazi vaziyatlarda u xatto qutqarib ham qoldi. 

Soliev tayyormidi? Vaziyatga qarab uni maydonga tushirdik. Oldinga borishimiz shart edi. Anvarning tajribasini hisobga olib uni o'yinga qo'ydik.

Iskanderovsiz o'ynashga ko'nikib qoldik. Uning o'rni albatta bilinadi. Yaqin orada u qaytishi kerak. U mashg'ulotlarni boshladi. Yaqin orada u tayyor bo'ladi.

Tojiev, Iskanderov, Sohibov, Boltaboev kabi futbolchilarning safga qaytishini o'zmiz ham kutyapmiz. o'ylaymanki, yaqin orada, birinchi davra yakunigacha ular qaytishadi.

JCHdagi yigitlarga omad tilayman. Ularda yaxshi yigitlar yig'ilgan. Keling, ularga birgalikda omad tilaymiz", deya o'z fikrlariga yakun yasadi Babayan.

Aziz To'xtamurodov