Saloh "Liverpul"ni tark etsa, qaysi klublarga borishi mumkinligi malum bo'ldi

"Liverpul" vingeri Muhammad Saloh o'z faoliyatini Saudiya Arabistoni yoki Shimoliy Amerikada davom ettirishi ehtimoli bor. Eslatib o'tamiz, 33 yoshli misrlik APLning "Lids"ga qarshi o'yinini (3:3) to'liq zaxira o'rindig'ida o'tkazdi. Avvalgi ikki o'yinni ham zaxiradan boshlagan edi. O'yindan so'ng Saloh klub va bosh murabbiy Arne Slotni tanqid qildi: "Men klub uchun shuncha ish qildim, ular esa meni avtobus tagiga tashlashmoqda. Afrika kubogi oldidan xayrlashaman - undan keyin nima bo'lishini bilmayman". Futbolchi klubning Chempionlar ligasidagi "Inter"ga qarshi o'yin tarkibiga kiritilmadi.

2023 yil yozida "Liverpul" "Al Ittihod"ning 150 million funtlik taklifini rad etgan edi. O'shandan beri Salohga nisbatan Yaqin Sharq klublarining qiziqishi ortib bormoqda. "Al Hilol"da Muhammad bilan shartnoma tuzish uchun etarli mablag' borligi taxmin qilinmoqda.

The Athletic xabariga ko'ra, agar Saloh AQSHga ko'chib o'tishga qaror qilsa, u "San-Diego"ga o'tishi mumkin - bu Amerika klubi milliarder Muhammad Mansurga tegishli.

Ko'pchilik Salohni Lionel Messi o'ynayotgan "Inter Mayami"ga o'tishi mumkinligini takidlamoqda. Biroq, MLS chempionlarining rejalari bilan tanish bo'lgan manba xabar berishicha, klubda allaqachon Jordi Alba faoliyatini yakunlaganidan keyin bo'sh qoladigan o'rinni egallashi kutilayotgan o'yinchi bor.

Salohning MLSdagi yana bir varianti "Chikago Fayr" bo'lib, ular jahon miqyosidagi yulduzni jalb qilmoqchi. Klub avvalroq Neymar va Kevin de Bryuyneni taklif qilgan, ammo turli sabablarga ko'ra transferlar amalga oshmay qolgan edi. "Chikago" egasi Jo Mansueto katta xarajatlarga tayyor.

Muzokaralar jarayonidan xabardor manbaning malum qilishicha, "Chikago Fayr" Salohni aprel oyida vinger "Liverpul" bilan yangi shartnoma imzolashidan oldin o'z safiga qo'shib olishga uringan. "Chikago" hozirgi vaziyatdan foydalanib, yana futbolchini o'z jamoasiga qo'shib olishga harakat qilishi mumkin.