"SA" triosi Gvardiola ishtirokidagi matbuot anjumanida, finalda Xoland va De Bryuyne o'ynamaydi!

- Tarkibda yo'qotishlar bor. Final o'yinidan so'ng "Everton"ga qarshi uchrashuv kutib turibdi. SHu haqida gapirsangiz?

- "Everton"ga qarshi o'yin haqida umuman o'ylamayapman. Faqat finalga etibor qaratganmiz. Bunday musobaqa hayotimizda bir marta bo'lishi mumkin. Keyingi o'yinlarga finaldan so'ng etibor beramiz. 

- Erling Xoland va Kevin de Bryuyne o'ynashmaydi. Bu jamoaga qanchali tasir o'tkazadi?

- Bu ikki futbolchi ham jamoamiz uchun juda muhim, ammo bizda ularning o'rnini bildirmaydigan futbolchilar etarli. 

- Norvegiyalikni Ronaldu va Messi bilan taqqoslay olasizmi?

- Bu uch o'yinchi ham fantastik futbolchilar. Erling ajoyib futbolchi, uning kelajagi porloq. U "Siti" bilan hamma narsani yutdi, Messi esa jahon chempioni bo'ldi. 

- O'tgan matbuot anjumanida Riyad Mahrez bilan uchrashish haqida gapirgandingiz...

- Ha, Mahrez jamoa bilan uchrashdi. U bilan ajoyib suhbat qildik. Jamoasi bilan o'yini borligi sabab, u final o'yiniga kela olmaydi. Unga eng yaxshisini tilayman. 

- "Fluminense" jamoasi haqida nima deya olasiz? Ularning o'yinini tahlil qilishga ulgurdingizmi?

- Albatta, biz ularning yarim final o'yinlarini tomosha qildik. Jamoa juda ajoyib futbol o'ynaydi. Tarkibda 5-6 nafar yoshi katta o'yinchilar bor. Ular o'yin ritmini boshqarishadi. Umuman, jamoa brazilcha futbol o'ynaydi. Jamoani 90-yillardagi Braziliya termasiga o'xshatdim. Kombinaciyalar alo darajada. Hushyor bo'lishimiz kerak. Pozicion o'yinimizni davom ettirishimiz lozim. 

- Yangi Evropa Superkubogi musobaqasi haqida yozishmoqda. Ushbu turnirga fikringiz qanday?

- Bu savolga javob bera olmayman. Klub hamda huquqshunoslar bilan ushbu masalani muhokama qilishimiz kerak. 

- "Fluminense" klubi o'yinini Braziliya terma jamoasiga o'xshatdingizmi?

Ha, yoshligimda otam meni Braziliya termasi o'yinlariga olib tushardi. U paytlar bu mamlakatning go'zal futboliga muxlis bo'lganman. Ertangi raqibning o'yin uslubi ham o'sha paytdagi afsonalarni eslatdi. Qisqasi, menga "Fluminense"ning o'yini juda yoqdi.

- Finalda emociyalarga berilmaslik uchun nima qilish kerak?

- Qanday qilib finalda emociyalarga berilmaslik mumkin? Bu musobaqani ko'pchilik oson deb o'ylaydi, ammo bunday emas. Ilk marotaba "Barselona" bilan ushbu turnirda qatnashganimda juda qiyin bo'lgandi. O'shanda hech kim "La Plata"ni jiddiy baholamagan, "Barsa" osonlik bilan g'alaba qozonadi deyishgandi. Amalda esa o'yin 120 daqiqa davom etgan. Mashaqqat bilan kubokni qo'lga kiritganmiz, ertaga ham engil bo'lmaydi.

Jalolxon Inog'omxo'jaev yozib oldi, Zoir Tursunboev surati.