Rustam Mirsodiqov: “Bu yilgi chempionatda kuchsiz jamoaning o'zi yo'q”

- Bugungi uchrashuvda “Navbahor”ga g'alaba juda zarur edi. Agarda namanganliklar dastlabki turda imkoniyatni boy berishmaganida boshqa o'yin bo'lishi mumkin edi. “Navbahor” futbolchilari hisob 2:1 bo'lib turgan paytda nima sababdan himoyaga yotib olganliklarini tushunmadim. Agarda maydon egalari hujumga etibor qaratishganida, uchinchi golni ham urishlari mumkin edi deb o'ylayman.

Uchrashuv yozilgan diskni ko'rib chiqib yakuniy xulosaga kelish mumkin. CHunki, hisobni ochganimizdan keyin gol urish uchun qulay imkoniyatga ega bo'lgandik. Vaziyatdan foydalana olganimizda o'yinni borishi boshqacha tus olardi. Namanganda har qanda jamoaga ham oson bo'lmaydi. Ular faqat g'alabani ko'zlagan holda maydonga tushishadi. SHu sababli bizga ham oson bo'lmasligini yaxshi bilardik.

“Navbahor”ni kuchsiz jamoa deb bo'lmaydi. Umuman olganda bu yilgi chempionatda kuchsiz jamoaning o'zi yo'q. Agar “Navbahor” o'ynasa “Lokomotiv”dan ham kuchliroq o'yin ko'rsatishi mumkin. Yani oldingi turdagi va bu turdagi raqib o'rtasida hech qanday tafovut yo'q deb o'ylayman. CHempionatning dastlabki turlarida, u jamoa kuchli, bunisi kuchsiz deb ayta olmayman. Negaki, barcha jamoalar g'alabani ko'zlagan holda maydonga tushadi.

Dastlabki turda qayd etilgan natijalar bu yilgi chempionatni keskin va murosasiz ruhda o'tishiga ishora qildi desak xato bo'lmaydi.