Rustam Ashurmatov: "Meni taklif qilgan murabbiyning klubdan ketishi xavotirlanishimga sabab bo'lmaydi, qishda "Rubin"ga o'taman"

— Bo'lajak o'yin Rossiya jamoatchiligiga o'zingizni ko'rsatish uchun yaxshi imkoniyat bo'lishi mumkin...

— Ehtimol, shundaydir. Ammo hozir faqat terma jamoamga etibor qarataman va Rossiya haqida o'ylamayman. Bu haqda keyinroq o'ylab ko'rarman.

— Qishda Qozonga ko'chib o'tishingiz rostmi?

— Ha, men Qozonga ko'chib o'taman.

— Sluckiy sizga qo'ng'iroq qildimi?

— Ha, u qo'ng'iroq qildi. Biz bir daqiqadan ortiq gaplashmadik. Ammo u qiziqish bildirayotganini aytdi. Uning istefosi haqidagi xabarni ko'rdim, futbolda shunaqasi bo'lib turadi. Bu haqda klub vakillari bilan gaplashdik, men bilan bog'liq hech qanday o'zgarish bo'lmaydi - "Rubin" safiga qo'shilaman.

— Sizni tarkibda ko'rishni istagan murabbiyni ishdan bo'shatib, boshqa murabbiyni ishga olgan jamoaga borish qo'rqinchli emasmi?

— Yo'q, qo'rqinchli emas, futbolda bunday hodisalar uchrab turadi. Men bunga tayyorman, boshqa murabbiyga ham o'yinimni isbotlayman.

— Jamoaning RPLda ishtirok etmasligi tasir qilmaydimi?

— Hech narsa xalal bermaydi. Kelasi yil boshqacha bo'ladi deb o'ylayman”, - dedi Ashurmatov.

Eslatib o'tamiz, Rossiya va O'zbekiston terma jamoalari o'rtasidagi uchrashuv 20 noyabr, yakshanba kuni soat 17:00 da boshlanadi.