Rustam Ashurmatov: “Bunyodkor” bir futbolchiga qarab qolgan deb o'ylamayman”

-  O'yin oldidan barcha jamoalarga jiddiy tayyorgarlik ko'ramiz, ajratib o'tirmaymiz. Murabbiylar bizlarga kerakli ko'rsatmalarni berishadi. Ikkinchi davraga tayyorgarlikni tog'da o'tkazdik. Hammasi joyida bo'ldi, jamoamizga SHohruh Gadoev kelib qo'shildi. Ijaradagi futbolchilarimiz ortga qaytdi. SHuning hisobiga jamoamiz kuchaytirilgan. “Neftchi”ga qarshi uchrashuv uchun tayyorgarligimiz meyorida deb o'ylayman.

SHaker Zuagiga keladigan bo'lsak u jamoamizga kerakli futbolchi edi. Jamoadoshlarim qatorida men ham unga o'rganib qolgandim. Hayotda ham, futbolda ham xattoki mashg'ulotlarda ham u bilan yaxshi chiqishib qolgandik. Zuagi jamoamizning etakchi futbolchisi edi. “Bunyodkor” bir futbolchiga qarab qolmagan deb o'ylamayman. Bizda jamoaviy o'yin tashkillashtirilgan. SHuning hisobiga uning o'rnini murabbiylarimiz boshqa futbolchilar bilan to'ldirishadi deb o'ylayman.

Birinchi davrada kerakli bo'lgan ochkolarni qo'ldan chiqardik. SHunday bo'lsa ham birinchi davrani deyarli birinchi pog'onada yakunladik. Lekin, qoldirilgan o'yin evaziga “Lokomotiv” bizdan ikki ochko oldinga o'tib ketdi. Ikkinchi davra birinchisiga qaraganda qiyinroq va murasasizroq bo'ladi deb o'ylayman. Nasib qilsa so'nggi soniyagacha kurashamiz. Musobaqalarda oldimizga maksimal vazifa qo'yilgan. Birinchisi O'zbekiston chempionatida birinchi pog'onani qayd etish bo'lsa ikkinchisi O'zbekiston kubogini qo'lga kiritish. SHuning hisobiga bor kuchimiz bilan harakat qilyapmiz.

To'g'ri ikkin yil davomida OCHLning “pley – off” bosqichida ishtirok etdik. Muxlislarimiz bunga deyarli o'rganib ham qolishdi. “Pley – off”da ishtirok etish oson bo'lmaydi. SHuning uchun ham ichki chempionatda birinchi pog'onani egallashga harakat qilamiz”, - deydi “Bunyodkor” himoyachisi Rustam Ashurmatov.

Johongir Sotvoldiev suhbatlashdi