Rustam Abdullaev: "Qo'qonlik muxlislarga o'z minnatdorchiligimni izhor etaman"
22 avg 2015 19:55
Yangiliklar

Rustam Abdullaev: "Qo'qonlik muxlislarga o'z minnatdorchiligimni izhor etaman"

“Andijon” – “Qo'qon-1912” (1:2) uchrashuvidan keyin o'tkazilgan matbuot anjumanining birinchi qismida mehmonlar bosh murabbiyi Rustam Abdullaev ishtirok etdi.

- Bugun muhim g'alabaga erishdik. Bu muvaffaqiyat biz uchun juda zarur edi. Bizni stadionda qo'llab-quvvatlagan qo'qonlik muxlislarga o'z minnatdorchiligimni izhor etmoqchiman. G'alabani ularga bag'ishlaymiz. Muxlislarimizga quvonch baxsh etganimizdan xursandman.

- Bugungi g'alaba nimani hisobiga qo'lga kiritildi, deb o'ylaysiz?

- Bugun shogirdlarim o'yindan oldin berilgan ko'rsatmalarimni bekamuko'st bajarishdi. Bugungi o'yinga qarshi hujum taktikasini tanlagandik va bu bizga foyda keltirdi. Mazkur bahsda himoyachilarimiz ishonchli o'ynashganini ham alohida etirof etishim joiz.

- Jamoaning ochkosi 17 taga etdi va autsayderlardan biroz uzoqlashdi. Bu yog'iga xotirjam tin olish mumkinmi?

- Hotirjam bo'lish uchun hali erta. To'g'ri bosimdan biroz xalos bo'ldik. Lekin chempionat bahslari hali oldinda. Biz keyingi ikkita uchrashuvni o'z maydonimizda o'tkazamiz. “Olmaliq” va “Mashal” bilan bo'ladigan o'yinlarga ham jiddiy tarzda tayyorlanamiz.

Havola :

Manba : kokand1912.uz

Yangiliklarni Telegramda o'qing!

Reyting: +5