Rustam Abdullaev: "Bugun maydonga yutish uchun chiqqandik"

“Garchi bugungi raqibimiz ham chempionat peshqadami bo'lsada, maydonga g'alaba qozinish uchun chiqqqandik. CHunki ishqibozlarimiz g'alabali o'yinlarni sog'inib qolishgandi. Ularni uch ochko bilan xursand etish uchun yigitlar qo'llaridan kelganicha harakat qildi. Ularga buning uchun rahmat aytaman”, - deydi Rustam Abdullaev.

- Avval ham aytganman biz o'yin bo'yicha yutqazmayapmiz. Bugun ham o'ylaymanki, maydonda raqibdan qolishmadik. Afsuski qo'shimcha daqiqada gol o'tkazib yuborib, g'alabani qo'ldan chiqardik. Juda alamli bo'ldi.

- Hakamlar ishini muhokama qilmayman. Meni to'g'ri tushuning.

- Bundan keyin "Qo'qon-1912" jamoasini men boshqaramanmi yoki boshqa murabbiymi muxlislar og'ir kunda ham qo'llab-quvvatlashini istardim. Jamoa uzoq yillik tanaffusdan so'ng endi bu yil oliy ligada o'ynashni boshladi. Barqaror jamoa shakllantirish uchun kamida 3 yil kerak bo'ladi. Futbolchilarni ham to'g'ri tushunish kerak. Ularni tribunadan turib shaxsiyatiga tegadigan so'zlar bilan xaqorat qilish yarashmaydi.