"Xorijdan takliflar U-23 Osiyo kubogidan keyin boshlangan edi" - Ruslan Jiyanov Turkiyadagi yig'in va "Nijniy Novgorod" haqida

2:1 hisobida hamyurtlarimizning g'alabasi bilan tugagan uchrashuvda gollardan biriga "Olimpik" futbolchisi Ruslan Jiyanov mualliflik qildi. O'yindan so'ng unga bir nechta savollar bilan yuzlandik. 

"Kuniga 2-3 mahal shug'ullanmoqdamiz. Buni tabiiy qabul qilish kerak, deb o'ylayman. CHunki hozir yuklamalar beriladigan payt. Kechki mashg'ulotlarda ko'proq taktika ustida ishlanyapti. Futbolchilarda intilish, motivaciya bor. Nimadirga erishish uchun nimadirdan voz kechish kerak

O'rtoqlik uchrashuvlariga kelsak, raqiblar jismoniy taraflama baquvvat. O'yin davomida bir-birimizga yaqinroq o'ynashimiz talab qilinadi. Texnik tomondan qolgan jamoalardan kuchlimiz",- deydi Ruslan Jiyanov. 

- Futbolchilarning harakatlarida og'irlik sezilyapti. Yuklamalarni qabul qilish qanday ketyapti? Tiklanishchi?

- To'g'ri. Misol uchun kecha o'yin kuni ham mashg'ulot o'tkazgandik. Og'irlik seziladi. Toliqish katta. SHuning uchun bo'sh vaqt yuzaga kelishi bilan tiklanishga etibor qaratyapmiz. 

- "Nijniy Novgorod" (Pari NN) bilan kelishuv qanday bo'ldi? 

- Tibbiy ko'rikdan o'tdim. Taklif agentlar orqali keldi. Bilasiz, Ibrohimhalil Yo'ldoshev bilan agentimiz bitta. Jamoaga borib qo'shilganimda uning yordami tegishiga ishonaman. 

- Yozda yurtimizda bo'lib o'tgan U-23 Osiyo kubogidan so'ng sizga takliflar kelib tushganmidi? 

- Osiyo kubogidan keyin ko'p mamlakatlardan, Evropa klublaridan chorlovlar oldim. Yoz oyidayoq qiziqishlar boshlangandi. "Nijniy Novgorod" (Pari NN) masalasi esa shu kunlarda rasman aniq bo'lishi mumkin. 

Abdulaziz Iskandarov (Turkiya, Antaliya)