Ruslan Ahmedov: "Yigitlarda ruhiy jihatdan ozroq muammolar ko'zga tashlanayapti. O'yindan-o'yinga kuchayib boramiz"

" - Qiyin o'yin o'tkazdik. Yigitlarda ruhiy jihatdan ozroq muammolar ko'zga tashlanayapti. O'yindan-o'yinga kuchayib boramiz. G'alaba bilan barcha Xorazm ahlini, jamoamiz azolari va muxlislarini tabriklayman.

Dastlabki turda ham ruhiy bosim tufayli qiyinchilikka duch kelgandik. Umumiy o'yinimizdan qoniqish hosil qildim, yigitlar maydonda borlarini berib harakat qilishayapti.

Legioner futbolchi o'zini yomon ko'rsatmadi. Ishlashda davom etsa, asosiy tarkibdan o'rin egallashi mumkin, undan umidimiz katta.

Maydon xolatini ko'rdinglar, rejalarni to'liq amalga oshirishda qiyinchilik yuzaga kelayapti. Maysani avaylab biz bu maydonda mashg'ulot olib bormayapmiz. Navbatdagi o'yinlarga qadar yaxshi bo'lib ketishidan umid qilamiz.

Jamoamiz tarkibi yomon emas, faqat to'liq shakllanib olish uchun ozroq vaqt kerak bo'ladi. Tajribali futbolchilar chempionat startiga oz qolganda tarkibimizga kelib qo'shilishdi.