Runi 2010 yilda "Real"ning qiziqishi haqida: "Men Messi, Inesta, Xavi bilan "Barsa" haqida ko'proq o'ylardim"

"2010 yilda "Manchester Yunayted"ga yangi shartnoma imzolamoqchi emasligimni aytganimda va transfer so'rovi bildirganimda, uchta klub menga qiziqish bildirdi.  

Ular orasida "Manchester Siti" bo'lgani aytiladi, lekin rostini aytsam bu variant hech qachon ko'rib chiqilmagan. Haqiqiy takliflar "Chelsi", "Real" va "Barselona"dan kelgan edi.  

O'sha paytda men Ispaniyaga ko'chib o'tishga tayyor edim – muzokaralar haqiqatan olib borildi. "Real" bilan kelishuv haqiqatga yaqinroqdek edi, lekin men ko'proq "Barselona" haqida o'ylardim. Lionel Messi, Andres Inesta, Xavi va Serxio Buskets bilan bir jamoada qanday o'ynashim mumkinligini tasavvur qilardim.  

Oxir-oqibat "Yunayted"da qolishga qaror qildim, lekin o'sha paytdagi "Barselona" ajoyib jamoa edi, va har bir futbolchi u erda o'ynashni orzu qilardi", – deb yozdi MYU tarixidagi eng yaxshi to'purar.