Ro'ziqul Berdiev: “Tur ramziy terma jamoasidan o'rin olganimdan xursandman”

Unga ko'ra, bosh murabbiy Ro'ziqul Berdiev bo'ldi. “Nasaf” ustozi bu borada o'z fikrlarini bildirib o'tdi.

- Menga yigitlar aytishdi “SA” talqiniga ko'ra, tur ramziy terma jamoasiga kiritilganimni. Lekin hozircha o'zim kirib o'qib chiqmadim – deya gap boshladi Ro'ziqul Sadullaevich. – Albatta bunday etibordan xursandman. Fursatdan foydalanib sayt ijodkorlariga minnatdorchilik bildiraman.

- Ramziy terma jamoaga kirishimga jamoamning “Metallurg” maydonidan g'alaba bilan qaytgani sabab bo'ldi. Ochig'ini aytaman, oxirgi paytlarda natija uchun o'ynayapmiz. SHuning uchun ham etibor bergan bo'lsangiz, ikkinchi davrada 6ta o'yin o'tkazib shundayn 5tasida g'alaba qozondik. Bekoboddagi o'yin ham biz uchun oson o'tmasligini tahmin qilgandik. CHunki bu jamoani oxirgi ikki o'yindan beri yuta olmayotgandik.

- Mendan tashqari yana “Nasaf”ning ikki o'yinchisi ramziy terma jamoaga kiritilgani quvonarli albatta. Haqiqatdan ham O'tkir Yusupov bilan Artur Gevorkyan shu kuni o'zidan yaxshi taassurot qoldirdi. Darvozabonimiz bir nechta vaziyatlarda o'zini ko'rsatishga erishdi va shu tariqa ishonchni oqladi. Gevorkyan haqida ortiqcha tarifning xojati bo'lmasa kerak. “Metallurg” bilan o'yinda Artur katta hajmdagi ishni bajardi. Ayniqsa 10 kishi bo'lib qolganimizdan so'ng Gevorkyan ikkinchi golni urib g'alabani mustahkamladi. SHundan so'ng biroz hotirjam tortdik.