Ro'ziqul Berdiev: “Raqib rejasini buzish uchun avval bitta gol urishimiz kerak edi”

- Muxlislarimizni g'alaba bilan tabriklayman. O'yinga keladigan bo'lsak, birinchi bo'limda “Andijon” jamoasining murabbiylari tomonidan ishlab chiqilgan taktika o'zini oqladi. Bu rejani buzish uchun biz gol urishimiz kerak edi. Hisobni ochganimizdan so'ng, ko'rdinglar yana ikki bor to'p kiritdik. Yana bir narsani takidlab o'tish kerak, bugun yangi kuch, o'zgartirilgan taktika bu – Islombek Rashidxonovdir. Iqtidorli futbolchi zaxiradan maydonga tushgach, o'yinimizni kuchaytirdi va o'zgarish qila oldi. Muhimi OCHL o'yini oldidan g'alaba qozonib, kayfiyatni ko'tarib oldik. O'ylaymanki haqli ravishda g'alaba qozondik.

- Deyan Bolevichda o'yin amaliyoti kam bo'lsada, uchrashuvda o'zini ko'rsatishga xarakat qildi. G'alabaga hissa qo'shish va muxlislar mehrini qozonish uchun astoydil o'ynadi. Umuman olganda, chernogoriyalik himoyachi o'z ishini yaxshi bajardi.

- Saydullo Rahmatovni bugun chap qanot yarim himoyasiga qo'ygandik. Lekin u o'yinga kirishib keta olmadi  – deydi Ro'ziqul Sadullaevich.

“Andijon” matbuot xizmati.