Ro'ziqul Berdiev: "Qobuljonovni tezroq sog'ayib, maydonga qaytishini tilayman"

- O'yinga tuzgan rejamiz, o'ylaymanki amalga oshdi. Bugungi o'yinda futbolchilarimizga asosiy vazifa qilib, o'yin boshida hisobda oldinga o'tib olish qo'yilgan edi. Nima uchun bunday reja tuzgan edik? O'zlaringizga malum, bundan ikki kun oldin og'ir o'yin o'tkazdik, yigitlar bu o'yinda katta kuch sarf qilishgan edi. Bugun kuchimiz borida tezroq gol urish edi. Buni amalga oshirdik. Ikkinchi bo'limda asosiy etiborni himoyaga qaratdik, chunki kubok bahsida o'z maydonida gol o'tkazib yuborish, og'ir oqibatga olib keladi. Bugungi o'yinda bizni qo'llab-quvvatlagan muxlislarga ham, maydonda harakat qilgan o'inchilarimizga ham minnatdorchilik bildiraman. Yigitlarimiz toliqqan bo'lishlariga qaramasdan yaxshi o'yin namoyish etishdi.
 
To'g'ri, biz uchun o'yin taqvimi tizig'roq, shunday bo'lsada harakat qilamiz keyingi o'yinlarda ham ijobiy natija uchun o'ynashga.
 
Hamrobekov ayni kunlarda umumiy mashg'ulotlarda ishtirok etmoqda. U yaqin vaqtlarda jamoamizga yordam berishi mumkin. Rahmatullaevning maydonga qaytishiga hali vaqt bor. U endi jarohatidan forig' bo'ldi, ammo unga hali muolajalar kerak.
 
Bugungi o'yinda kutilmaganda “Buxoro” jamoasi darvozaboni Sardor Qobuljonov og'ir jarohat oldi. Afsuski bunday holatdan, yani jarohat olishdan futbolchi kafolatlanmagan. SHaxsan o'zim nomimdan unga tezroq sog'ayib, maydonga qaytishini tilayman.