Ro'ziqul Berdiev: "Muammolarimiz ko'payib ketdi"

"Ayni paytda "Buxoro" jamoasi har qanday raqib uchun juda xavfli bo'lsa kerak. CHunki bu jamoa oliy ligada jon saqlab qolish uchun o'ynamoqda. Bugungi o'yin shuni ko'rsatib berdiki, bizda 11-12 futbolchidan boshqa o'yinni kuchaytira oladigan asosiy tarkib futbolchisi yo'q. Ustiga-ustak Gadoev bizni og'ir ahvolga tashlab qo'ydi. Bir kishi kam bo'lib o'ynagan bo'lsak ham vaziyatlar yaratdik. Biroq o'sha imkoniyatni golga aylantira olmadik. CHetlatishdan so'ng maydonda harakat qilgan futbolilarga rahmat aytish kerak. Bahritdinovni almashtirganimning boisi o'rtani kuchaytirmoqchi edim. Alisher Yusupovdan bu vaziyatda foydalanishga qaror qilgandim. Yusupov Akromga nisbatan ancha tezkorroq. Biz Alisher Yusupovdan standart vaziyatlarida ham foydalanish maqsadida uni maydonga tushirgandik. Hozirda Alisher Yusupov, Akrom Bahritdinov va Kenja To'raev ortiqcha vazn borligi sezilib qoldi. Muammolarimiz juda ko'payib ketgan. Bugun Ilhom SHomurodovning yo'qligi sezildi. Zaxiradan maydonga tushirgan futbolchilar umuman ishonchni oqlay olishmadi. Roy Rok hozirda davolanmoqda. Keyinchalik qaytadan tibbiy ko'rikdan o'tadi va shundan so'ng uning ikkinchi davrada ishtirok etishi aniq bo'ladi. Eldor Suyunov bugun bizni bir necha muqarar gollardan saqlab qoldi. Ular ham gol urish uchun imkoniyatlarga ega bo'lishgandi. Eldor Suyunov o'sha vaziyatlarda jamoamiz joniga oro kirdi. O'yin so'nggilarida kelib tavakkal qilishga majbur bo'ldik. Biroq bu ham samara bermadi va kerakli natijani qo'lga kirita olmadik", - deydi Ro'ziqul Berdiev.