Ro'ziqul Berdiev: "Durang bo'lsa ham safarda ochko jamg'arishni rejalashtirgandik"

- Avvalo muxlislarimizni g'alabaga teng durang bilan tabriklayman, -  deya gap boshladi Ro'ziqul Sadullaevich.

O'yinga keladigan bo'lsak, o'zinglar ko'rdinglar shamol bo'lgani uchrashuvga o'z tasirini o'tkazdi. Bugun asosiy maqsadimiz garchi durang bo'lsa ham safarda ochko jamg'arish edi. Bu yil jamoamiz uchun og'ir mavsum bo'ldi. Mavsum avvalida kichik bo'lsada oldimizga qo'yilgan maqsadimiz bor edi. Yigitlar sovrinli o'rinlar uchun kurashdi. Lekin oldimizda yana bitta o'yin bor. Nasib qilsa so'nggi uchrashuvda ham muxlislarimizga yaxshi kayfiyat ulashmoqchimiz.  

- Kelasi yil Nasafning OCHL saralashida ishtirok etadigan bo'ldi. Hozirdan ushbu saralash bahslariga homaki rejalar tuzilganmi? Tarkib qanday bo'ladi?
- Bu rasman aniqmi yoki yo'q to'g'risi bilmayman. Agarda shunday bo'lsa, albatta tarkibni kuchaytirishimiz kerak. O'zim ham buni istardim. CHunki ilgari bu yirik turnirda ishtirok etib, saviyali o'yinchilar joizligini bilgandik. Buni mavsum yakuniga etganidan so'ng aniqlaymiz.

- Odil Hamrobekov kelasi yil deyarli 5 oy terma jamoa lagerida bo'ladi...
- Albatta bilamiz Hamrobekov yosh. SHu bilan birga istedodli futbolchi. Bugun uni boshlang'ich tarkibga kiritganimizning boisi Erkin Boydullaevda kichik jaroxat bor edi. Odilga bundan oldin ham asosiy tarkibdan imkoniyat berib kelganmiz. Bundan keyin ham shu tarzda davom etamiz. Bilsanglar osiyo chempionatida ham ilk uchrashuvda jarohat olgandi. Bizda faqat Hamrobekov emas, boshqa iqtidorli o'yinchilar ko'p. Ularga ishonch bildirib, imkoniyat berishda davom etamiz.

- Mavsum yakuniga etganidan so'ng jamoangizning etakchi o'yinchilari o'zga klublarga o'tib ketishi haqida...
-Futbolda bu tabiiy xol. Mana ko'ryapsizlar o'yinchilarimiz imkon qadar o'zlarini ijobiy tomonlarini ko'rsatib bormoqda. SHuni aytishim mumkinki, biz o'zimiz jamoada ko'rishni istagan o'yinchilarni qanday qilib bo'lmasin olib qolishga urinamiz.


Islombek Rustambekov yozib oldi