Ro'ziqul Berdiev: "Barchani Yangi yil bayrami bilan samimiy tabriklaymiz"

26 dekabr kuni klub qarorgohida ushbu sovrin o'z egalariga topshirildi va bu tantana qilindi.

“Nasaf” jamoasi bosh murabbiyi Ro'ziqul Berdievni va u kishi orqali barcha futbolchilarni jamoa muxlislari va saytimiz nomidan kirib kelayotgan yangi yil bilan tabriklab, mavsumga tayyorgarliklarni yaqin rejalari haqida ham so'radik.

- Assalomu alaykum Ro'ziqul Sadullaevich! Sizni va barcha jamoa azolarini kirib kelayotgan yangi 2015 yil bilan muborakbod etamiz. Sizga va barcha yigitlarga mustahkam sog'lik, uzoq umr va baxt saodat tilaymiz. Yangi, 2015 yil Sizga va “Nasaf” jamoasiga barcha musobaqalarda kattadan – katta omadlar keltirsin!
– Va alaykum assalom! Katta rahmat etibor va hurmatlaringiz uchun. Men ham fursatdan foydalanib, o'zim va yigitlarimiz nomidan Siz aziz muxlislarimizni hamda barcha yurtimiz futbol ishqibozlarini yaqinlashib qolgan 2015 yil bilan samimiy tabriklayman. Barchalaringiz sog' va omon bo'lingizlar. Nimaiki orzu-istaklaringiz bo'lsa yangi yilda amalga oshsin deyman. Yurtimiz tinch va farovon bo'lsin! O'z sevgan jamoalaringiz yangi yilda yangi marralarni egallashsin. Futbol hamisha hamrohingiz bo'lsin!

- Rahmat, mana mavsumga tayyorgarlikni birinchi bosqichi ham yakunlandi, endigi rejalaringiz haqida bilmoqchi edik.
– Yigitlarga 27 dekabr kunidan yangi yil bayrami munosabati bilan 3 yanvargacha qisqa muddatli tanaffus berdik. Rejamizga ko'ra, tayyorgarliklarning ikkinchi bosqichi 14 kun davomida yana Qarshi shahridagi o'zimizga tegishli bazamizda davom ettiriladi. Xorijda ham yig'in tashkil qilish rejamizda bor. 2015 yil jamoamiz uchun juda masuliyatli yil bo'ladi. Buni his qilgan holda mavsumga puxta tayyorgarlik ko'ramiz.

Renat Ernazarov yozib oldi.