Rossiya Bishkek va Toshkent mezbonligidagi CAFA chempionatida qatnashish uchun hali shartnoma tuzmagan

Bu haqda "Fergana" vaziyatdan xabardor manbaga tayanib xabar bermoqda.

Manbaga ko'ra, RFIning beqarorligi tufayli, xususan, Osiyo termalaridan biri bo'lishi kerak bo'lgan turnirning sakkizinchi ishtirokchisini taklif qilish borasidagi ishlar to'xtab qolgan. 

"Gazprom" CAFA chempionati homiysi bo'lishi haqidagi malumotlarga kelsak, bu hali tasdiqlanmagan. 

"Bu mish-mish. Hamma RFIning rasmiy qarorini kutmoqda", – dedi manba.

Agar RFI musobaqada ishtirok etishdan bosh tortsa, Rossiya terma jamoasi boshqa Osiyo jamoasi bilan almashtiriladi.

RFI qarorini Eron tomoni ham kutmoqda, bu vaziyatni tushunish Osiyo Kubogi va Jahon chempionati saralashida ishtirok etishga tayyorlanayotgan milliy terma jamoa taqvimini aniqroq shakllantirish uchun zarur.

Birinchi CAFA chempionati 9-21 iyun kunlari Bishkek va Toshkent shaharlarida bo'lib o'tadi. Unda 8 ta jamoa ishtirok etadi. SHu kungacha CAFAning barcha 6 azosi — Afg'oniston, Eron, Qirg'iz Respublikasi, Tojikiston, Turkmaniston va O'zbekiston chempionatda ishtirok etish uchun dastlabki rozilikni bergan. Rossiya ettinchi, Osiyo jamoalaridan biri sakkizinchi qatnashchi bo'lishi kutilmoqda.

Musobaqa reglamentiga ko'ra, 8 ta jamoa ikki guruhga bo'linadi. Bir guruh o'yinlari Toshkentda, ikkinchisi Bishkekda o'tkaziladi. Guruh g'oliblari finalda to'qnash kelishadi. O'z kvartetlarida ikkinchi bo'lgan jamoalar chempionatda uchinchi o'rin uchun kurash olib boradi. Har ikki hal qiluvchi uchrashuv Toshkentda bo'lib o'tadi.