Roppa-rosa 2 kun kam 4 yil avval Osiyo Kubogida

"Al Garafa" stadioniga ko'p ham muxlis tashrif buyurmagan, ularning asosiy qismi Qatarda istiqomat qilayotgan "induslar" edi. O'zbekistondan chamasi 200 nafarga yaqin ishqiboz borgandi. Uchrashuvda hisobni raqiblarimiz ochishadi, shundan so'ng biz ikkita gol uramiz, 56-daqiqada Xao Junmin hisobni tenglashtiradi. 

2-turdan keyin bizning xisobda 6, Xitoyda 3 ochko bor edi. Durang O'zbekiston foydasiga ishlasa, raqiblarimizga faqat g'alaba kerak edi. Yoki Quvayt mezbon - Qatarni mag'lubiyatga uchratishi kerak bo'lardi. 

O'ZBEKISTON - XITOY 2:2 (1:1)

16.01.2011. 3-tur. Doxa. "Al Garafa" stadioni. 3529 tomoshabin. Osiyo Kubogi-2011. 

Bosh hakam: Abdulla Al Hilol (Ummon)

Gollar: AHMEDOV Odil (30), GEYNRIX Aleksandr (46) - YU Xay (6), Xao Junmin (56).

O'zbekiston: Ignatiy NESTEROV, Anzur ISMOILOV, Stanislav ANDREEV, Odil AHMEDOV, Viktor KARPENKO (SHavkat MULLAJONOV, 74), Olim NAVKAROV (Sanjar TURSUNOV, 54), Server JEPAROV (SHavkat SALOMOV 85), Aziz HAYDAROV, Timur KAPADZE, Maksim SHACKIX, Aleksandr GEYNRIX.

Xitoy: Yan Ji, LI Syao Pen, DU Vey, JAO SHuri (Lyu Janye, 46), Rong Xao, Xao Junmin, Vang Song, Jang Linpeng, Gao Lin (Deng Juosyang, 73), Yang Xao, YU Xay (Yang Syu, 60)

Ogohlantirishlar: Aziz HAYDAROV (26), Anzur ISMOILOV (54), Timur KAPADZE (66) - Xao Junmin (78), Jang Linpeng (90).

YU Xay jamoasi uchun muhim bo'lgan tezkor golni uradi. Birinchi golni o'z xatoimiz bilan o'tkazib yuboramiz. Burchak zarbasi amalga oshirilayotgan vaziyatda Karpenko chalg'ib qoladi va yaqin burchakda turgan uch nafar futbolchimiz to'pni nazorat qila olmaydi. Ammo Odilning goli chiroyli chiqqandi. Avvaliga u Anzur bilan pas o'ynab to'pni o'rtaga, Kapadzega oshiradi. Undan qabul qilib olib bir zarb bilan Andreevga uzatadi. Andreev to'pni yana unga qaytaradi, keyingi pasni Ahmedov Jeparovga beradi, Server ikki harakat bilan jarima maydonchasi ichiga kirib bo'lgan Odilni to'p bilan taminlaydi va gol!

Aynan shu musobaqa Ahmedovning taqdirini o'zgartirib yuborgan edi

Geynrix esa "yorvorgan" edi. Maydon markazida Kapadzedan to'pni qabul qilib olgan Ahmedov ikki qadam tashlab uni Geynrixga oshiradi. CHamasi 25 metrlardan Geynrix juda kuchli, "podushka" uslubida zarba bilan Yan Ji darvozasini ishg'ol qiladi. Yil yakunida mazkur gol Osiyoda "Yilning eng yaxshi goli" nominaciyasiga qo'yiladi. 

Sanjar Tursunovni esa o'zimiz uchun kashf qilgan edik

2:2 bo'lishiga sabab bo'lgan xitoyliklarning goli ham shedevr bo'ldi. Naqd darvozaning "to'qqizligi" nishonga oligandi, bo'lib ham jarima zarbasidan.

Keling, mana shu o'yindagi gollarni tomosha qilsak.