"Ronaldu tepgan penalti noto'g'ri belgilangan" - Igor Rabiner JCH-2022'dagi hakamlik faoliyatiga oid barcha ikir-chikirlardan xabardor inson bilan suhbatlashdi

Malum bo'lishicha, FIFA hakamlar qo'mitasi Portugaliya - Gana o'yinini boshqarib borgan amerikalik hakami Ismoil Elfatning evropaliklar foydasiga penalti belgilash haqidagi qarorini noto'g'ri deb hisoblagan. Aynan o'sha standartdan gol urgan Krishtianu Ronaldu beshta jahon chempionatida to'p kiritgan futbolchiga aylanib, rekord o'rnatgandi. 

SHuningdek, Angliya - Eron uchrashuvini boshqargan braziliyalik hakam Rafael Klaus o'yin 6:1 hisobida davom etayotgan bir pallada ikkinchi bo'limga o'n daqiqa qo'shib berilgani uchun tanqid qilindi. U FIFAning yangi talablariga amal qildi, lekin tom manoda birinchi bo'limda eronlik darvozabonga uzoq davom etgan tibbiy yordam ko'rsatilganiga qaramay, o'yin uchun 27 daqiqa qo'shib berilgani hakamlar qo'mitasi uchun tushunarsiz hodisa bo'ldi.

Taymlarga ko'proq daqiqa qo'shish qarori markazlashtirilgan. FIFA o'yin vaqtini ko'paytirish uchun kurashishga qaror qildi, shu sababli ular zaxira hakamlaridan o'yin davomida yo'qotilgan vaqtni sinchkovlik bilan hisoblashni talab qildi. Bir qator vaziyatlar (golni nishonlash, jarohatlar, almashtirishlar, darvozaga zarbalar o'yinchilarning burchakdan uzatma amalga oshirishi va boshqa holatlar uchun sarflangan vaqt) bundan mustasno, endi 90 daqiqalik o'yinga to'liq qo'shimcha vaqt qo'shildi. Yangi tizimni sinab ko'rish uchun Qatarda mahalliy havaskor jamoalar turniri o'tkazilmoqda (ushbu turnir bugun nihoyasiga etadi), unda JCH-2022 hakamlari 45 daqiqa davomida ishlaydi va yangi bilimlardan o'z mahoratini oshirmoqda.