Romario Blatterni o'g'ri va poraxo'r deb atadi

"Biz jahon chempionatining tashkiliy ishlariga juda katta pul ajratdik. Aql bovar qilmaydigan darajada. Borgan sari ko'proq sarf etishga to'g'ri kelyapti. Aslida Valke – jahon futboli tarixidagi eng katta qalloblardan biri.

FIFA prezidenti Yozef Blatter bilan birgalikda ular "shantaj" bilan mashg'ul bo'lishni yoqtirishadi. Blatterning o'zi esa – o'g'ri, poraxo'r va iflos. Meni kechirasizlar-u, lekin rost gap mana shu. Valke xatto Braziliyadagi chempionat mundiallar tarixidagi eng yomoni bo'ladi deb ham aytdi. 

U bizning mamlakatimizga kelib, mana shunday gaplarni gapirib ketyapti. Lekin hamma unga qarsak chalib o'tiribdi - hammasi ajoyib xullas!", – deya Romario so'zlaridan "Samba Foot" iqtibos keltirmoqda.