"Roma" bosh direktori Eldor SHomurodovni transfer qilmoqchi, bitimga ispaniyalik Pedro qo'shilishi mumkin

Bu haqda Iltempo xabar bermoqda. Manbaning xabariga ko'ra, shaxsan "bo'rilar" bosh direktori Tyagu Pintuning o'zi 26 yoshli futbolchiga qiziqish bildirmoqda. "Jenoa" bilan muloqotlar ham bo'ldi, futbolchi taxminan 15 million evroga baholanmoqda. Bitimda shuningdek SHomurodovni keyingi sotuvidan foiz ham ko'zda tutilishi mumkin.

Transfer xarid qilish huquqiga ega yoki majburiy xarid belgilangan ijara bo'lishi mumkin. Rim klubi bitimga Joze Mourinyu ishonch bildirmayotgan Pedroni qo'shish variantini ko'rib chiqmoqda.

Manbaning takidlashicha, agar Rim klubi "Jenoa"ga taklif bersa, Eldor SHomurodov bunga ikkilanmasdan ijobiy javob beradi va transferga rozilik bildiradi. 

Oldinroq, portugaliyalik mutaxassisning o'zi ham hujumchini jamoasida ko'rishni xohlayotgani haqida xabarlar yangragan edi.

Eldor o'tgan yili "Jenoa"ga "Rostov"dan 7,5 million evro evaziga o'tgan va Genuya klubi bilan 4 yillik shartnoma imzolagan edi. SHomurodov o'tgan mavsum A Seriya doirasidagi 31ta o'yinda maydonga tushib, 8ta gol va 1ta assist qayd etdi.

→ "Jenoa" ustozi SHomurodovni sotishni taqiqladi