Roberto Martines: Ortga nazar solishni xohlamayman

U Evro-2016dan so'ng jamoani tark etgan Mark Vilmotsning o'rnini egalladi. Yaqinda FIFA.com sayti Roberto Martines bilan suhbat uyushtirdi. quyida ana shu intervyuni o'qishingiz mumkin.

- Sizga Belgiya futbol ittifoqi taklif bilan chiqqanida ajablandingizmi?

- Gap mening hayron qolishimda emas, asosiysi, mamlakat futbol ittifoqi shunday loyihaga qo'l urgan.

- SHartnoma tuzguningizga qadar jamoa haqida nima bilardingiz?

- Tarkibida premer-liga orqali menga tanish bo'lgan futbolchilar bor. Ayniqsa, Romelu Lukaku, Maruan Fellayni va Kevin Miralyasni yaxshi taniyman. Ular bilan Evertonda birga ishlaganmiz. Italiya A seriyasida ham yaxshi o'yinchilar faoliyat yuritishmoqda, ammo milliy chempionatda to'p suradiganlar borasida unchalik malumotga ega emasman. Ayni payt ularni o'rganish bilan mashg'ulman. SHu bois ham iloji boricha ko'proq o'yinlarni tomosha qilyapman. Belgiyalik yoshlarning iqtidoriga qoyil qolyapman. Imkon tug'ilishi hamono ularni bosh jamoaga chorlayman. SHogirdlarimni nafaqat maydonda, balki uning tashqarisida ham yaxshiroq bilishni istayman.

- qo'l ostingizda jahon darajasidagi futbolchilar bor...

- Iqtidor o'z yo'liga. Hamma biladiki, natijaga erishish uchun buning o'zi kamlik qiladi. Muhimi - to'g'ri yo'l tanlash. Maqsadimiz - Belgiya termasi hali erishmagan yutuqlarni qo'lga kiritish. Tarixda ham hech nima yuta olmagan kuchli jamoalar bo'lgan.

- Belgiyaliklarning Evro-2016dagi ishtiroklariga qanday baho berasiz? Jamoa chorak finalda Uels termasiga imkoniyatni boy berdi.

- Ortga nazar solishni xohlamayman, ko'proq kelajakka etibor qarataman. Jamoadagi dastlabki uchrashuvimni Ispaniya termasiga qarshi o'tkazdim. O'shanda futbolchilarda to'la ehtiros va qayg'uni ko'rdim, muxlislar ham shunday holatga tushgandilar. Bundan ko'rinib turardiki, Evropa chempionatidagi muvaffaqiyatsiz ishtirok o'zining salbiy tasirini ko'rsatgan. Birinchi vazifam futbolchilarni ana shundan xalos qilish edi. Rejaga ko'ra, men boshqarayotgan jamoa ortga qaramay, yangi marralarni zabt etish haqida o'ylashi lozim. JCH-2018 saralash bahslaridagi dastlabki uchta uchrashuvimizga nazar solsangiz, yuqoridagi muvaffaqiyatsizlikni unutganmizga guvoh bo'lasiz. SHunisi aniqki, ortga faqatgina tajriba vositasi sifatida qarash kerak, xolos.

- Oldin klubda ishlagansiz va futbolchilar bilan har kuni muloqotda bo'lgansiz. Terma jamoada esa buning imkoniyati yo'q. SHunday jihatlarga qanday etibor qaratyapsiz?

- To'g'ri, klubdagi ishimni bazan sog'inaman, lekin futbolda moslashish degan narsa bor. SHunday ekan, terma jamoa ishiga ko'nikishga majburman.

- Sizningcha, Belgiya terma jamoasining xalqaro arenadagi imkoniyatlari qanday?

- Hammasi bosqichma-bosqich amalga oshadi. Eng avvalo, ayrim ichki ishlarimizni yakunlab olishimiz kerak. Kuchli jamoa jamlagandan keyin esa xalqaro maydonlardagi imkoniyatlarimiz haqida gapirishim mumkin.