Roberto Karlos: "Agar menga bog'liq bo'lganida, Neymar anchadan buyon "Real"da o'ynayotgan bo'lardi"

"Agar bu menga bog'liq bo'lganda, Neymar anchadan buyon "Real"da o'ynayotgan bo'lar edi. Ammo, hayotda hamma narsa ham biz xohlagandek bo'lavermaydi.

Bunday ajoyib o'yinchilar dunyoning eng kuchli klublarida o'ynashi kerak. Bugun "Real" har qanday o'yinchi uchun maqsaddir. CHempionlar Ligasini yutishni xohlaysanmi? "Real"ga o't.

Neymar hozir PSJda baxtli. U so'nggi vaqtlarda bo'lganidek, quvonch bilan o'ynashni davom ettirishi kerak. Neymar hamma ko'rishni xohlaydigan o'yinchi", - deydi Roberto Karlos.

Xabar qilinishicha, "Barselona" Neymarni ortga qaytarmoqchi. Kataloniya klubi u bilan bo'ladigan bitimga hujumchi Antuan Grizmanni qo'shishga tayyor.