Rijko safga qo'shildi
20 jan 2015 14:04
Yangiliklar
Rijko safga qo'shildi
Bugun jamoamiz azolari tushda navbatdagi yig'inni o'tkazish maqsadida Toshkentda to'planishdi.
Poytaxtimizdagi muhtasham “O'zbekiston” mehmonxonasiga joylashgan futbolchilarimiz kunning ikkinchi yarmida dastlabki mashg'ulotni o'tkazishga ham ulgurishdi. Bugungi mashg'ulotlar “Oq-tepa” jamoasiga qarashli o'yingohda bo'lib o'tdi. Ayni paytda jamoamiz azolari kechki ovqatni tanovul qilishmoqda. Tarkibdagi yangiliklar xususida gap ketganida, belaruslik himoyachi Yuriy Rijkoni yana safga qaytganligini qo'shimcha qilish joiz. Rejaga ko'ra 18 yanvar kuni Toshkentda etib kelgan Rijko mehmonxonada boshqa jamoadoshlarini kutib oldi. Serbiyalik hujumchi Aleksandar Leposavichni esa shu kunlarda tarkibga qo'shilishi kutilmoqda. 31 yanvarga qadar davom etadigan mashg'ulotlar davomida uchta nazorat uchrashuvini o'tkazish ko'zda tutilgan. 24 yanvar kuni “Olmaliq” klubi dastlabki raqib sifatida jamoamizga qarshi maydonga tushadi. Keyingi o'yinlardagi raqiblar nomi hozircha aniq emas. Poytaxtdagi uchinchi uchrashuvni 31 yanvar kuni o'tkazilishini qo'shimcha qilish joiz.
Fikrlar