Remsi: "Uels "B" guruhida g'olib bo'lishini hech kim kutmagan edi"

"Bunday turnirda gol urishdan so'ng ajoyib tuyg'ularni his qilyapman. G'alabaga erishishni istagan edik. Mening golim? Jo Allenning pasi yaxshi chiqdi. Akinfeev chiqayotganini ko'rdim. Baxtimga, istagan joyimga zarba bera oldim.

Uzoq vaqtdan beri yirik turnirda o'ynashni istar edik va nihoyat niyatimiz amalga oshdi. Bizni tan olishlarini, qilgan mehnatimizni qadrlashlarini istardik. Angliya bilan o'yinda to'pga egalik qila olmadik, ammo bugun hammasi o'xshadi. Natijada 3 ta gol urdik va guruhda g'olib chiqdik. Hech kim buni kutmagan edi. Eshityapsizmi? Muxlislar qanday kuylashmoqda. Ular biz bilan faxrlanishadi. Ko'ramiz, qaysi bosqichgacha borar ekanmiz" - deydi Remsi.