Футбол ишқибозларига "Португалия терма жамоаси футболчиси келажаги ҳақида гапириши керакми?" деган савол берилди. Овоз берганларнинг 76% бунга "ҳа" деган жавобни танлашди.
Олдинроқ Испания прокуратураси Роналдуни 14,7 млн. евро миқдорида солиқ тўламаганликда айблаган эди. "Қироллик клуби"дагилар унга кўрсатилган маблағни тўлашни маслаҳат беришмоқда, бироқ футболчи ўзининг айбсизлигини исботламоқчи. Роналду "Реал" устози Зинедин Зиданга Испанияда унга жиноятчидек муносабатда бўлишаётганини айтди.
Шу ҳафтада Роналду ва "Реал" президенти Флорентино Перес ўртасида учрашув бўлиб ўтиши керак.
