"Real" tajribali futbolchisi bilan shartnomani uzaytirmoqchi

Madridning "Real" jamoasi yarim himoyachi Toni Kroos bilan shartnomani uzaytirish istagida, deya xabar berdi "Cadena Ser".

"Real" futbolchini kamida yana bir yil o'zida saqlab qolish niyatida. Futbolchining "qirollik klubi" bilan amaldagi shartnomasi mavsum oxirigacha amal qiladi. Madridliklar germaniyalik futbolchiga 2025 yilning iyunigacha mo'ljallangan yangi shartnoma taklif qiladi.

Kroos 10 yildan beri "Real"da o'ynamoqda. 34 yoshli yarim himoyachi joriy mavsum barcha musobaqalarda 29 ta o'yin o'tkazib, 1 ta gol urdi va 7 ta golli uzatmani amalga oshirdi.