"Real" Mbappe uchun "tarixiy" tanishtiruv marosimini tashkil qilmoqchi. Ushbu tadbir qachon o'tkazilishi ham aniq

"Real Madrid" klubi qachon Kilian Mbappeni tanishtirishi malum bo'ldi. Marca nashrining xabar berishicha, franciyalik futbolchi keyingi hafta Madridga keladi va "Real" bilan shartnoma imzolaydi. SHundan so'ng, "Qirollik klubi" Mbappeni tanishtiradi.

Madrid klubi Kilian Mbappening tanishtiruv marosimini "Santyago Bernabeu"da o'tkazadi. Klub bu maxsus tadbirni "tarixda qoladigan" darajada o'tkazmoqchi. Tashkilotchilar tanishtiruv marosimining har bir detaliga alohida etibor qaratishmoqda. Boshqa bir manba L’Equipe nashri bergan xabarga ko'ra "Real Madrid" Mbappening jamoa azoasiga aylanganini 3 iyun kuni elon qiladi.

Eslatib o'tamiz, avvalroq Kilian Mbappe PSJ klubilan ketishini rasman elon qilgandi.