“Real” Gvardiol uchun 120 million evro taklif qildi

20 yoshli futbolchiga "CHelsi" va "Manchester Siti" klublari ham qiziqish bildirmoqda. Uning "Leypcig" bilan shartnomasidagi 110 million evrolik tovon puli 2024 yilning yozida kuchga kiradi.

Jurnalist Alfredo Pedullaning so'zlariga ko'ra, Gvardiol uchun dastlab “CHelsi” 80 million evro taklif qilgan, keyinroq “Real” 90 million to'lashga tayyorligini bildirgan.

Ammo bu summa "RB Leypcig"ni qoniqtirmadi va so'nggi 15 kun ichida madridliklar Yoshkoning transferi bo'yicha ikki bor uchrashuv o'tkazdi.

"Qaymoqranglilar" futbolchi uchun 60 milliondan ikkita marta to'lov qilish evaziga jami 120 million evroni, shuningdek, turli bonuslarni taklif qilishdi. Qolaversa, "Manchester Siti" ham 100 million evrodan ko'proq pul to'lashga tayyorligini bildirgan.

Maoshga kelsak, "CHelsi" himoyachiga yiliga 9 million evro, "Real Madrid" esa 6 million evro taklif qilgan, ammo Gvardiol "Real"ga ko'proq qiziqish bildirgani uchun kamroq maosh olishga tayyorligini aytdi.

Kimoshdi savdosiga qarshi bo'lmagan "RB Leypcig" hamon eng yaxshi taklifni kutmoqda.

Gvardiol Xorvatiya bilan JCH-2022'da bronza medallarini qo'lga kiritdi.

Yoshko joriy mavsum Bundesligada 13 ta o'yinda maydonga tushdi.