"Real" CHempionlar ligasi g'olibi!

ECHL. Final.

"Real" - "Atletiko" 4:1 (0:1, 1:0, 0:0, 3:0)

Lissabon, "Eshtadiu Da Luj" stadioni.

Hakam: Born Kuypers.

Gollar: Godin (36), Ramos (90+4), Beyl (111), Marselo (118), Ronaldo (120-penaltidan)

"Real": Kasilyas, Karvaxal, Varan, Ramos, Koentrao (Marselo, 59), Xedira (Isko, 59), Modrich, Di Mariya, Beyl, Ronaldo, Benzema (Morata, 79).

"Atletiko": Kurtua, Xuanfran, Miranda, Godin, Luis Felipe (Alderveyreld, 82), Tiago, Gabi, Koke, Raul Garsiya (Sosa, 66), Vilya, Diego Kosta (Adrian, 9).

Ogohlantirishlar: Ramos (28), Raul Garsiya (28), Miranda (53), Vilya (73), Xuanfran (74), Koke (87), Gabi (99), Marselo (119), Ronaldo (120), Karvaxal (120).



                                  MATNLI TRANSLYACIYA
                                             YANGILASH




Final tugadi! "Real" CHempionlar Ligasi g'olibi!

Tablodagi hisob o'yinga mos emas! "Atletiko" va Diego Simeonega TASANNO!

Diego Simeone kimladir bilan urishib ketdi... Uni ham tushunsa bo'ladi...

120` Bunisini "GAME OVER" deydi...

120` GOOOOOOOOOOOOOOOOOOOOOOOL! Ronaldo!

120` Penalti! Bunisi endi oshib tushdi... Kurtua va "Atletiko" bunga loyiq emas edilar...

119` Marseloga ogohlantirish ko'rsatildi. Futbolkasini echgani uchun.

118` GOOOOOOOOOOOOOOOOOOOOOOOOOOOOL! Marseloooooooooooooooooooooooo! Marselo zaxiradan maydonga tushib jamoasi o'yinini kuchaytira olgandi. Endi esa haqli ravishda gol kiritdi... Uchrashuv taqdiri hal desak bo'ladi...

118` Roanldoda qulayyyy imkoniyat! Yana yiqilib tushdi bu bola... Bu kulguli emas...

117` Vilyaga nisbatan qo'pollik ishlatildi.

115` "Real" yana hujumga o'tmoqda. "Atletiko"ning ishlari esa yaxshi emas...

114` Endi hujum qilish navbati "Atletiko"ga...

112` Ana senga olam-olam gul, etaginga siqqanicha ol... "Real" nihoyat hisobda oldinga chiqib oldi va masalani penaltilar seriyasigacha hal etmoqchiga o'xshaydi...

111` GOOOOOOOOOOOOOOL! Beyl! Bu gol Di Mariyaniki! Anxel  Di Mariya faolligini ishga soldi va raqib futbolchilarini birin-ketin aldab o'tdi. Garet Beyl esa tayyoriga tayyor bo'ldi va boshi bilan to'pni darvozaga joyladi. 2:1!

110` Iker Kasilyas to'pni egallab oldi.

109` Ko'pchilik "lotoreya"ni, yani penaltilar seriyasini kutayapti-a? SHunisi yaxshiroq shekilli...

108` Garet Beyl bugun "Real" tarkibidagi eng yomon o'yinlaridan birini o'tkazmoqda desak mubolag'a bo'lmaydi... 

107` Jamoalar charchab qolishgan.

106` Ikkinchi qo'shimcha taym boshlandi! So'nggi 15 daqiqa...

105` Birinchi qo'shimcha taym o'z nihoyasiga etdi. Qisqa tanaffus! Jamoalar o'z darvozalarini almashishadi.

104` Burchak to'pidan samara chiqmadi.

103` "Atletiko" burchak to'pi tepish huquqini qo'lga kiritdi.

102` "Atletiko" o'yinni o'z jarima maydonchasi oldidan uzoqlashtirishga erishdi.

101` Ronaldoning zarbasi jonli devorga tegdi.

100` Jarima to'pi. To'p oldida Ronaldo.

99` Marseloga qarshi qoida buzildi. Gabi bu erda nohaq.

98` "Real" o'yin tashabbusini o'z qo'lida ushlab turibdi.

97` Krishtiano Ronaldo to'pni tepaman deb yiqilib tushdi.

96` "Real" to'pni o'zida saqlab turib, hujumga taraddud ko'rmoqda.

95` Xuanfran maydonda yotibdi. Unga tibbiy yordam ko'rsatilmoqda.

94` Diego Simeone juda asabiy. U uchrashuv hakamiga ham ko'p vaqt qo'shding deb etiroz bildirib o'tdi.

93` Modrichning uzatib bergan to'pi o'z egasini topmadi.

92` Derbi, a yo'g'e final davom etadi...

91` Qo'shimcha bo'limlarning birinchisi boshlandi! Davom etamiz...

Asablaringizni saqlang, Aziz futbol ishqibozlari! Birozgina dam olib oling! Yana yarim soat vaqt bor. Engil nafas olishingiz mumkin...

Uchrashuvning asosiy vaqti tugadi! "Real" - "Atletiko" 1:1! Endi navbat qo'shimcha taymlarga...

90+5` Ronaldo? Beyl? Ramos! Serxio Ramos etib keldi va "yong'inni" oldini oldi!

90+4` GOOOOOOOOOOOOOOOOOOL! Serxio Ramos!!!!!!!!!!!!!!!!!!!!!!!!!!!!!!!!!!!!!! Qoyil, Ramos! Burchakdan oshirib berilgan to'pni Ramos o'z odatiga muvofiq boshi bilan darvozaga joylab qo'ydi!

90+3` Serxio Ramos burchak to'pi ishlab oldi.

90+2` Ronaldo qani? Qani Beyl? "Real" qani? O'ynanglar, millionlab muxlislar sizlarga ishonib, so'nggi 3 daqiqani kutib turibdi...

90+1` Uchrashuvga 5 daqiqa vaqt qo'shib berildi...

90` David Vilya o'yinning so'nggi daqiqasida jamoasi foydasiga jarima zarbasi ishlab oldi.

89` Diego Simeone muxlislardan qo'llab-quvvatlashni talab qilmoqda... Ha, bugun Diego har qancha maqtansa arziydi...

89` So'nggi daqiqalar... "Real" biror chorani topa oladimi??????

89` Bu o'yin finalga emas, derbiga mos tarzda kechmoqda.

88` "Real" futbolchilari jarima to'pidan unumli foydalana olishmadi.

87` Modrichga nisabatan Koke qoidani buzdi. Koke ogohlantirish oldi.

86` Modrichning faolligini Karvaxal xatosi tufayli buzib qo'ymoqda.

85` "Real"ning hujumlari! Kurtua va himoyachilar mo'jizaviy o'yin ko'rsatishmoqda. Tasanno!

84` UHHHHHHHHHHHH! VAUVVVVVVVVVVVV! Kurtua!!!!!!!!!!!!!!! Qanday qilib to'pni ilib oldi-a bu posbon? Qoyil!

82` Luis Felipe o'rniga Alderveyreld maydonga tushdi.

81` Jarima zarbasi. Lekin "Atletiko" himoyachilari bugun haqiqiy "devor" vazifasini bajarib berishmoqda. Ish Kurtuagacha etib bormayapti... 

81` "Real" oldinga bormoqda. Varan - Karvaxal - Isko - Modrich - Marselo - Modrich - Isko va to'p "Atletiko" futbolchilarida...

80` "Real"da o'zgarish. Benzema o'z o'rnini Morata bo'shatib berdi.

79` Alonso va Xeseni ko'rsatishmoqda. Beylning zarbasi paytida ularning holatini to'g'ri tushunsa bo'ladi... Alonso Xeseni quchoqlab oldi.... Boshqa nimayam qilsin...

78` Garettttt Beylllllllllllll! Yana noaniq zarba!

77` Miranda, Godin, Xuanfran kabi futbolchilar bugun "Real"ning oldi chiziq vakillariga umuman imkoniyat berishmayapti.

76` Ronaldooooooooooooo! CHalqancha tarzda tepilgan zarbaga aniqlik etishmadi. Xavfli vaziyat!

75` Ogohlantirishlar bazmi boshlandi. Xuanfranga sariq kartochka.

74` Garet Beyl - zarba! Noaniq!

73` David Vilya hujum paytida Kasilyasga nisabatan qo'pol o'ynadi va ogohlantirish oldi.

72` Garet Beyl to'pni to'xtatib olishda "qo'li"dan foydalandi. Hakam esa buni ko'rib qoldi.

71` "Real" tarkibidan faqatgina Di Mariyani ajratib ko'rsatish mumkin. Bugun faqat shu futbolchi boshqalarga nisbatan mazmunliroq va sifatli o'yin ko'rsatmoqda.

70` Di Mariya Marselo bilan birgalikda chiroyli o'ynadi. Lekin so'nggi vaziyatda raqib himoyachilari ularni rejasini payqab qolishdi.

68` Finalda "yopiq" o'yin ko'ryapmiz. Kutilgan va kutilmagan final...

67` "Real"ning chiroyli va kombinatcion hujumi. Modrich, Ronaldo va Iskoning uyushtirgan hujumi xavfli ko'rinish oldi. Lekin Iskoning zarbasiga aniqlik etishmadi.

66` "Atletiko" tarkibida o'zgarish. Raul Garsiya o'z o'rnini Sosaga bo'shatib berdi. Diego Simeone Garsiyani ogohlantirishi borligi sababli, uni maydondan oldi.

65` Endi navbat uchinchi burchak to'piga.

64` "Atletiko" ketma-ket ikkinchi burchak to'pini amalga oshiradi.

63` Benzema yiqilgani hakamning jarima zarbasi belgilashiga zamin yaratmadi. Benzema o'rnidan turdi. O'yin davom etadi.

62` Uhhhhhhhh! Ana Ronaldoda imkoniyat paydo bo'ldi! Uning bosh bilan bergan zarbasi biroz noaniq ketdi.

62` "Real"ning hujumiga navbat keldi. Godin to'pni o'z jarima maydonchasi oldidan uzoqlashtirishga erishdi.

61` Tan olish kerak, bugun "Atletiko" hozircha "Real"dan bir bosh ustunroq harakat qilmoqda. Qoyil, "Atletiko! Qoyil, Diego Simeone!

60` Serxio Ramosning xatosi va "Real"ning hujumi uzilib qoldi.

59` "Real" tarkibida ikkita o'zgarish. Koentrao o'rniga Marselo va Xedira o'rniga Isko maydonga tushirildi.

58` "Atletiko" yana hujumda. "Real" esa himoyalanishga majbur.

57` Adrianning zarbasi xavfli, ammo noaniq.

56` Burchak to'pi ham "Real"ga gol urish imkoniyatini bermadi. 

55` Krishtiano Ronaldoning jarimadan tepgan to'pini Kurtua qaytardi. Burchak to'pi.

54` Miranda  Di Mariyani ochiqchasiga ushlab qoldi. Mirandaga sariq kartochka.  Jarima zarbasi. Xavfli nuqta.

53` Karlo Anchelotti tanaffusda futbolchilariga nima dedi bilmadim-u, lekin o'yin o'sha-o'sha. Mazmunsiz o'yin davom etmoqda.

52` "Atletiko" o'zinin erkin his etmoqda. Navbatdagi hujum va Raul Garsiya tomonidan berilgan zarba biroz noaniq ketdi.

51` Gabining harakatlariga tassano deb qo'yish kerak!

50` Maydon markazida Alonso etishmayapti "Real"ga.

49` Ronaldo va Beylning o'ylagan rejasi ish bermadi.

48` "Real" endi bor etiborini hujumga qaratishga majbur bo'ladi. Bu degani "Atletiko"da qarshi hujumlar uchun etarli imkoniyatlar paydo bo'lishi mumkin...

47` To'p "Atletiko" futbolchilarida. Navbatdagi hujumni boshlash maqsadida oldinga borishmoqda.

46` Ikkinchi bo'lim boshlandi! Ko'ramiz, buyog'iga nimalar bo'larkin...

Jamoalar maydonga qaytib chiqishmoqda.

Birinchi bo'lim tugadi! Tanaffus!

45+1` Xedira Vilyaga nisbatan qo'pol o'ynadi va sariq kartochkani ishlab oldi.

45` Birinchi bo'limga 1 daqiqa vaqt qo'shib berildi.

44` "Real" darvozasi oldida navbatdagi xavfli vaziyat.

43` Karlo Anchelotti shogirdlariga o'ziga bo'lgan ishonch etishmayapti...

42` Ronaldo qani deysizlarmi? "Real"ga hozir aynan shu futbolchi kerak. U o'zining etakchiligini isbotlaydigan payt keldi. SHuningdek, u yana o'z vatani va sevimli stadionida harakat qilmoqda. "Qanisan, Ronaldo?!" deb "Real" muxlislari chaqirayotgan bo'lishsa ajab emas...

40` Diego Simeone ortiqcha xursandchilikka berilmayapti. U yaxshi biladi, hali oldinda butun boshli ikkinchi bo'lim bor. Diego futbolchilariga ko'rsatmalar berishda davom etmoqda. Karlo Anchelotti esa ancha asabiy va norozi. Tushunsa bo'ladi.

39` Bu safar burchak to'pi. Lekin "Atletiko" futbolchilari ishonchli himoyalanishmoqda.

38` "Real" jarima zarbasini amalga oshirdi. Lekin samarasiz.

37` "Atletiko" nihoyat hujumlarini birini samarali yakunlashni uddasidan chiqdi. Diego Godin vaziyat qahramoni.

36` GOOOOOOOOOOOOOOOOOOOOOL! Godin! "Atletiko" hisobni ochdi! Diego Godin boshi bilan Iker Kasilyas qo'riqlayotgan darvozasin ishg'ol etdi. Ha, Iker bu erda to'pga chiqishda xatoga yo'l qo'ydi.

35` Xabi Alonsoni ko'rsatishmoqda. Kostyum-shimda o'tirip futbol tomosha qilmoqda. Boshini qimirlatib qo'ydi. Ha, tribunada o'tirib futbol ko'rish boshqacha... Muxlislarni asabini endi tushungandek bu futbolchi...

34` Jamoalar faollikni boshlashgandek. Umid qilamizki, bu boshlanishi va bundan buyog'iga yanada chiroyli va keskin hujumli futbol ko'ramiz. Bu bilan to'xtab qolish kerak emas... Bu final!

33` Garet Beyl!! Mana xavfli vaziyat! Ana imkoniyat! Lekin 100 millionning zarbasi noaniq ketdi. Hisob ochilishi mumkin edi-ya...!

32` "Real" himoyasida yong'in! Ramos va Varan tipirchilab qolishdi... SHoshilishdi...

31` Xavfli vaziyatlar yo'q.

30` Final kutilganidek o'tmayapti deysizmi? Balki haqdirsiz...

29` Ronaldoning kuchli zarbasi Kurtua uchun yangilik bo'lmadi.

28` Uhhhhh! Di Mariya! "Real"ning tezkor qarshi hujumini Raul Garsiya Di Mariyani yiqitibgina to'xtatib qoldi va sariq kartochka bilan siylandi. Janjalga aralashgan Ramos ham ogohlantirish oldi.

27` Kokening burchakdan uzatib bergan to'pini Varan boshi bilan bartaraf etdi.

26` "Atletiko" burchak to'pi tepadi. Birinchi burchak to'pi.

25` "Atletiko" ustunlikni o'z qo'liga olmoqda.

24` Vilyaning to'p uzatishdagi xatosi jamoasi ga qimmatga tushishi mumkin edi. Lekin "Real"ning tezkor qarshi hujumini himoyachilar bartaraf etishni uddasidan chiqishdi.

23` Modrichning jarimadan yo'llagan zarbasini Kurtua egallab oldi.

22` "Real" uyg'ondi! Di Mariya faollik ko'rsatdi va jarima to'pi ishladi.

20` "Atletiko" asosiy etiborini himoyaga va qarshi hujumga qaratmoqda.

19` Ronaldo va Beyl hozircha maydonda faollik ko'rsatishmayapti. Bu degani "Real"ning o'yini chiqmayapti.

18` "Real"ning navbatdagi hujumi ham besamar yakunlandi.

17` "Atletiko" hujumi yakuniga etmay qoldi. Endi navbat "Real"ga.

16` "Atletiko" himoya qo'rg'oni bugun juda ishonchli harakat qilmoqda. "Real" "trio"siga hozircha engil nafas olishiga yo'l qo'yishmayapti Diego Simeone jamoasi himoyachilari.

15` Uchrashuvning ichki darajasi juda yuqori. Futbolchilar xato qilishdan qo'rqib to'p tepshimoqda. "Atletiko" to'pni egallab olishi bilanoq hujumga intilmoqda.

14` Jamoalar shoshib-pishib o'ynashmoqda. Aqlli futbol emas, tavakkal o'yin ko'rmoqdamiz...

13` Raul Garsiya Kasilyas darvozasi tomon uzoqdan zarba yo'lladi. Juda noaniq.

12` Di Mariyaning noaniq to'p uzatishi. Kurtua to'pni o'yinga kiritib beradi.

11` "Real" to'pni o'zida saqlab turibdi. Lekin darvoza tomon zarbadan darak yo'q...

10` Diego Simeone yo'q joydan o'yinchi almashtirishni bir imkoniyatini yo'qotdi. Kamiga Diego Kostani ham...

9` Assalomu aleykum! Ana bo'lmasa! Diego Kosta almashtirildi! Majburiy o'zgirtirish! Adrian endi uning o'rnida o'ynaydi...

8` Diego Kosta! "Atletiko" hujumchisi faollik ko'rsatdi. Diego Simeone jamoasi hujum uyushtirdi. Lekin vaziyat qahramoni Kosta to'pni o'zida ko'proq saqlab qoldi va yakunda to'pni yo'qottishga majbur bo'ldi...

7` Jamoalar tavakkal o'yin olib borishmoqda.

6` "Real" ko'proq to'p bilan muomalada bo'lmoqda. "Atletiko" esa "pressing" qo'llamoqda.

5` Hozircha xavfli vaziyatlarsiz. Di Mariya "Real"ni hujumini o'zining noaniq pasi orqali uzib qo'ydi.

4` Miranda Ronaldoga nisbatan maydon markazida qoidani buzdi.

3` "Real" hujum qilmoqchi bo'ldi. "Atletiko" futbolchilari esa bunga yo'l qo'yishmadi.

2` "Atletiko" oldinga bormoqchi bo'ldi. Lekin "Real" himoyachilari dadil harakat qilishdi.

Uchrashuv boshlandi! Qani kettik...

"Eshtadio Da Luj" stadionida ajoyib muhit...

Demak oz qolmoqda...

Jamoalar CHempionlar Ligasi madhiyasi sadolari ostida maydonga chiqib kelishmoqda

Bugun stadionda Kafu ham bor

"Eshtadio Da Luj" chiroyli ko'rinishga kelmoqda

Kim kuchlilik qiladi? Omadlirog'i qaysi ekan? Yaqin daqiqalar ichida bunga aniqlik kiritiladi

"Eshtadio Da Luj" muxlislar bilan to'lib toshmoqda

Diego Kosta nihoyat finalda o'ynaydigan bo'ldi


Futbol festivali yaqin daqiqalar ichida boshlanadi.
Eslatib o'tamiz, bugungi o'yin "Sport" kanali orqali namoyish etilmaydi.
Finalni ko'rmoqchi bo'lganlar "NTV-PLYUS Futbol" va "NTV" kanali orqali tomosha qilishlari mumkin. Ilojisi bo'lmasa, unda saytimizdan uzoqlashmang! Imkon qadar final bahsi haroratini matnli onlayn translyaciyasi orqali Sizlarga etkazishga harakat qilamiz!

Assalomu aleykum qadrli futbol ishqibozlari! Bugun Evropa bosh toji uchun ikki ispan, aniqrog'i, ikkita Madrid jamoasi o'zaro kurash olib borishadi. Evropa yashil maydonlaridagi rasmiy "yopilish" o'yini bu albatta haqiqiy bayramga aylanadigan Evropa CHempionlar ligasi final uchrashuvi bo'ladi. Hamma uchrashuvni tomosha qilish va saytimiz orqali o'qishga shaymi? Demak oz qoldi. Alo kayfiyat barchangizni tark etmasin!
Saytimiz orqali ushbu final bellashuvidan matnli onlayn translyaciyasini olib boramiz. Xizmatingizda SHahboz Beg'amov bo'ladi.


- Uchrashuv soat 23:45da boshlanadi.