Ravshan Haydarov: "Toshkent va Vengriyada o'tkazgan yig'inlardan ko'nglim to'ldi"
25 iyu 2014 15:38
Yangiliklar
![](https://championat.asia/upload/storage/138135_original.jpg)
![](/upload/storage/138135_220.jpg)
Ravshan Haydarov: "Toshkent va Vengriyada o'tkazgan yig'inlardan ko'nglim to'ldi"
O'zbekiston yoshlar terma jamoasi (U-19) Vengriyada yig'in o'tkazib qaytgach, biz terma jamoamiz va "Dinamo"ning tayyorgarlik ishlari haqida Ravshan Haydarovning fikrlari bilan qiziqdik.
- Ravshan Akmalovich, avvalambor O'zbekiston yoshlar terma jamoasining Vengriyada o'tkazgan yig'ini yakuni haqida so'zlasangiz. Yig'indan ko'nglingiz to'ldimi?
- Yoshlar terma jamoasi bilan Vengriyada juda foydali bo'lgan yig'inni o'tkazib qaytdik. Avvalambor, mana shunday yig'inni yuqori saviyada tashkil etib bergan rahbariyatimizga minnatdorchilik bildiraman. Biz 2 iyul kuni 19 yoshli terma jamoaning kengaytirilgan tarkibini yig'dik. To'rt kun mobaynida futbolchilarni sinovdan o'tkazib, 18 talik ro'yxatimizga tushgan futbolchilarni Vengriyaga olib bordik. Ushbu mamlakatda yig'in doirasida mezbonlarga qarshi ikkita nazorat uchrashuvi o'tkazdik va dastlabki bahsda vengriyalik tengqurlarimizni mag'lub etgan bo'lsak, ikkinchi bahsda durang natija qayd etildi. Ushbu ikkita o'yinda ikki xil taktika bilan to'p surib, o'zimga kerakli bo'lgan xulosalarimni oldim. Umuman olganda, Toshkent va Vengriyada o'tkazgan yig'inlardan ko'nglim to'ldi. Endi navbatdagi yig'inimizni 10 avgust kuni ham poytaxtimizda o'tkazamiz va unda ham chempionatimizning ikki turi davomida o'zini ko'rsatgan yoshlarni taklif qilishni rejalashtirib turibman.
- Vengriyaga yo'l oladigan ro'yxatda dinamochi Firdavs Abdusalimov ham bor edi. Biroq yosh futbolchimiz so'nggi pallada yig'inga bormadi. Bu nima bilan bog'liq edi?
- Firdavs Abdusalimovning imkoniyatlarini juda yaxshi bilaman. U Toshkentdagi yig'inimizda ham o'zini alo darajada ko'rsatdi. Afsuski, so'nggi pallada uning Vengriyaga yo'l olishi uchun viza masalasi hal bo'lmadi. SHu bois u biz bilan safarga borolmadi. Undan tashqari, yana bir qator iqtidorli yigitlarimizni olib borolmagan bo'lsakda, ular keyingi yig'inda ham biz bilan bo'lib, nazoratimiz ostida bo'lishadi.
- Dinamoning olib borayotgan tayyorgarligi haqida fikringiz?
- Toshkentda o'tayotgan yig'in Dinamoning ikkinchi davraga tayyorgarlik ko'rish rejasi doirasidagi ikkinchi yig'inidir. Oldinroq belgilangan rejamiz asosida murabbiylar shtabi tog'li hududda dastlabki yig'inni muvaffaqiyatli o'tkazishdi. Jamoa 19 iyuldan poytaxtda yig'ildi va seshanba kuni rejadagi dastlabki yig'inni Mashal jamoasiga qarshi o'tkazdi. Ushbu o'yinda jamoaning birinchi bo'limda ko'rsatgan o'yinidan ko'nglim to'ldi. Natija ham shunga yarasha edi. Biroq nazorat uchrashuvida asosiy etibor barcha futbolchilarni sinovdan o'tkazib, shakllantirish hisoblanadi. SHu bois ikkinchi bo'limda asosan yosh futbolchilarni maydonga tushirilishi g'alabani qo'ldan chiqarilishiga sabab bo'ldi. Bunday o'yinda asosiysi natija emas, tayyorgarlik hisoblanadi. Bu tomondan esa futbolchilar menda yaxshi taassurot qoldirishdi.
- Jamoaning mashg'ulotlarini, o'yinini kuzatdingiz. Jamoa tarkibida o'zgarish qilish kerak deb o'ylaysizmi?
- Oldinda yana ikkita nazorat uchrashuvi bor. Paxtakor va Navbahorga qarshi o'yinlarda tarkib yanada shakllantirilishi mumkin. Yoshlar safidan ham asosiy tarkibga qo'shilayotgan mahalliy iqtidorli futbolchilar talaygina. Umuman olganda esa, hozirda ham jamoa tarkibi ancha shakllangan, deya olaman.
Usmon IBODOV suhbatlashdi.
- Yoshlar terma jamoasi bilan Vengriyada juda foydali bo'lgan yig'inni o'tkazib qaytdik. Avvalambor, mana shunday yig'inni yuqori saviyada tashkil etib bergan rahbariyatimizga minnatdorchilik bildiraman. Biz 2 iyul kuni 19 yoshli terma jamoaning kengaytirilgan tarkibini yig'dik. To'rt kun mobaynida futbolchilarni sinovdan o'tkazib, 18 talik ro'yxatimizga tushgan futbolchilarni Vengriyaga olib bordik. Ushbu mamlakatda yig'in doirasida mezbonlarga qarshi ikkita nazorat uchrashuvi o'tkazdik va dastlabki bahsda vengriyalik tengqurlarimizni mag'lub etgan bo'lsak, ikkinchi bahsda durang natija qayd etildi. Ushbu ikkita o'yinda ikki xil taktika bilan to'p surib, o'zimga kerakli bo'lgan xulosalarimni oldim. Umuman olganda, Toshkent va Vengriyada o'tkazgan yig'inlardan ko'nglim to'ldi. Endi navbatdagi yig'inimizni 10 avgust kuni ham poytaxtimizda o'tkazamiz va unda ham chempionatimizning ikki turi davomida o'zini ko'rsatgan yoshlarni taklif qilishni rejalashtirib turibman.
- Vengriyaga yo'l oladigan ro'yxatda dinamochi Firdavs Abdusalimov ham bor edi. Biroq yosh futbolchimiz so'nggi pallada yig'inga bormadi. Bu nima bilan bog'liq edi?
- Firdavs Abdusalimovning imkoniyatlarini juda yaxshi bilaman. U Toshkentdagi yig'inimizda ham o'zini alo darajada ko'rsatdi. Afsuski, so'nggi pallada uning Vengriyaga yo'l olishi uchun viza masalasi hal bo'lmadi. SHu bois u biz bilan safarga borolmadi. Undan tashqari, yana bir qator iqtidorli yigitlarimizni olib borolmagan bo'lsakda, ular keyingi yig'inda ham biz bilan bo'lib, nazoratimiz ostida bo'lishadi.
- Dinamoning olib borayotgan tayyorgarligi haqida fikringiz?
- Toshkentda o'tayotgan yig'in Dinamoning ikkinchi davraga tayyorgarlik ko'rish rejasi doirasidagi ikkinchi yig'inidir. Oldinroq belgilangan rejamiz asosida murabbiylar shtabi tog'li hududda dastlabki yig'inni muvaffaqiyatli o'tkazishdi. Jamoa 19 iyuldan poytaxtda yig'ildi va seshanba kuni rejadagi dastlabki yig'inni Mashal jamoasiga qarshi o'tkazdi. Ushbu o'yinda jamoaning birinchi bo'limda ko'rsatgan o'yinidan ko'nglim to'ldi. Natija ham shunga yarasha edi. Biroq nazorat uchrashuvida asosiy etibor barcha futbolchilarni sinovdan o'tkazib, shakllantirish hisoblanadi. SHu bois ikkinchi bo'limda asosan yosh futbolchilarni maydonga tushirilishi g'alabani qo'ldan chiqarilishiga sabab bo'ldi. Bunday o'yinda asosiysi natija emas, tayyorgarlik hisoblanadi. Bu tomondan esa futbolchilar menda yaxshi taassurot qoldirishdi.
- Jamoaning mashg'ulotlarini, o'yinini kuzatdingiz. Jamoa tarkibida o'zgarish qilish kerak deb o'ylaysizmi?
- Oldinda yana ikkita nazorat uchrashuvi bor. Paxtakor va Navbahorga qarshi o'yinlarda tarkib yanada shakllantirilishi mumkin. Yoshlar safidan ham asosiy tarkibga qo'shilayotgan mahalliy iqtidorli futbolchilar talaygina. Umuman olganda esa, hozirda ham jamoa tarkibi ancha shakllangan, deya olaman.
Usmon IBODOV suhbatlashdi.
![AMP Logo](https://championat.asia/image/logo-amp.png)
Fikrlar