Ravshan Haydarov: “Eng kuchli raqiblardan biriga mag'lub bo'ldik”
04 iyu 2015 17:52
Yangiliklar

Ravshan Haydarov: “Eng kuchli raqiblardan biriga mag'lub bo'ldik”

Germaniya hamda O'zbekiston yoshlar terma jamoalari o'rtasidagi uchrashuvdan so'ng bo'lib o'tgan matbuot anjumanida O'zbekiston U-20 yoshlar terma jamoasi bosh murabbiyi Ravshan Haydarov ishtirok etdi va o'yin haqida fikrlarini bildirdi.

“Biz bugun kuchli raqibga mag'lub bo'ldik. Raqib kuchidan kelib chiqib himoyada ehtiyotkorlik bilan harakat qilish va qarshi hujum taktikasidan foydalanishga harakat qildik. Birinchi bo'limda futbolchilar yomon harakat qilishmadi, ammo yana jarima to'pidan gol o'tkazib yubordik. Umuman olganda, birinchi bo'limda Germaniya terma jamoasida deyarli imkoniyat bo'lmadi”, - deydi Haydarov.

“Ikkinchi bo'limga mag'lub bo'lib turgan holatda maydonga tushdik. Himoyada ehtiyotkor o'yin namoyish etishimiz kerak edi, ammo yana himoyada kichik xatolarga yo'l qo'ydik”, - deya qo'shimcha qildi O'zbekiston yoshlar terma jamoasi bosh murabbiyi.

“Guruhda ayni damda vaziyat shundayki, ikkinchi o'rin uchun kurash so'nggi turda hal bo'ladi. Imkoniyatimiz bor ekan, so'nggigacha kurashamiz”, - deydi Haydarov.

Havola :

Manba : the-uff.com

Yangiliklarni Telegramda o'qing!

Reyting: