Ravshan Ermatov O'zbekiston futzal milliy terma jamoasi bilan uchrashdi

"Mazkur qita birinchiligida O'zbekiston futzal milliy terma jamoasi ham ishtirok etadi. 

Bugun O'FA birinchi vice-prezidenti Ravshan Ermatov ushbu musobaqa oldidan tayyorgarlik jarayoni bilan tanishish, murabbiylar shtabi va futzalchilar bilan suhbatlashish maqsadida terma jamoa istiqomat qilayotgan mehmonxonaga tashrif buyurdi. Uchrashuvda O'FA tomonidan futzalchilarimizga oldinda turgan yirik turnirga sifatli va tizimli tayyorgarlik ko'rishlari uchun barcha sharoitlar yaratib berilayotgani va murrabiylarning rejasi asosida tayyorgarlik jarayonlari davom etayotganligi takidlandi. 

Suhbat davomida Ravshan Ermatov Jahon chempionatida qayd etilgan natija jamoamizga katta tajriba bolgani, murrabiylar shtabi tomonidan ishlab chiqilgan tayyorgarlik rejasi futzalchilar tayorgarligiga asos bolishi va muxlislar terma jamoamizdan faqat yuqori natijalarni kutib qolishi haqida takidlab o'tdi.

SHuningdek, Bahodir Ahmedov boshchiligidagi murabbiylar shtabi va futzalchilar bilan jamoaning ayni paytdagi holati va imkoniyatlari xususida suhbatlashildi. 

Eslatib o'tamiz, Kuvaytda bo'lib o'tadigan Osiyo Kubogida vakillarimiz "B" guruhidan joy olgan bo'lib, guruhda Bahrayn, Tojikiston va Turkmaniston terma jamoalariga qarshi to'p tepishadi. 

Jamoa 18 va 20 avgust kunlari Osiyo Kubogi mezboni Kuvayt terma jamoasi bilan o'rtoqlik uchrashuvlarida ishtirok etishi rejalashtirilgan", – deyiladi O'FA xabarida.