Ravshan Ermatov: "Hakam o'yinni boshqaryotganda hech kimga quloq solmasligi kerak"

Tajribali hakam ko'rsatuv chog'ida o'z fikrlarini bildirdi.

"Bilasiz hozirda hakamlar futbolchilardan ko'p yugurishadi. Bosh hakamning pulsi 180-200 atrofida bo'ladi. Yani bir soniyada yuragimiz 3 marta urib turadi. SHu holatda biz futbol qoidalarining 6-7tasini yodga olib bir necha soniya ichida qaror qabul qilishimiz kerak.   

hakam o'yin boshqaryotganda hech kimga quloq solmasligi kerak. Faqat yordamchilari bilan gaplashishi kerak. Tanaffus vaqtida hakam o'yin haqida yoki xatolar haqida o'ylamasligi kerak.

O'yin paytida xato qilsak, narigi jamoaga yordam berish maqsadida yana xato qilish to'g'ri emas. Bitta xatoni ikkita qilishning nima keragi bor?

Futbolni nima uchun sevamiz? Uning tezligi uchun. Hozirgi paytda to'p bir jarima maydoni ichidan narigi jarima maydoniga etib boradi. Qaysi hakam 6-7 soniyada bir jarima maydonidan narigisiga etib boradi? Hech qaysi. SHu bois FIFA ayni paytda videotakrorlarni qo'llashni boshlamoqda", - deydi Ravshan Ermatov.