Rasul Payzov "Andijon"da ko'rikdan o'tadi

Sergey SHevchenko davralar oralig'ida raqobatni oshirish uchun bir qator o'yinchilarni sinovdan o'tkazmoqda. Olingan malumotlarga ko'ra, yaqinda klub rasmiylari Tojikiston futbol federaciyasiga Rasul Payzov haqida xat yuborgan.

Buni TFF ham tasdiqladi. Aytishlaricha 22 yoshli futbolchi Rasul Payzov Tojikistonning o'sib kelayotgan iqtidorli futbolchilaridan sanaladi. Bu futbolchini burgutlarning sobiq o'yinchisi Tohir Mo'minov tavsiya qilgan. O'z vaqtida SHevchenko qo'li ostida o'ynagan taniqli sobiq futbolchi Mo'minov ustozining yana "Andijon"da ish boshlaganidan xabar topib, u bilan aloqaga chiqqan. SHunda Tohir Mo'minov mahalliy futbolchilardan Rasul Payzovni sinab ko'rish taklifini bildirgan.

SHu bois 22 yoshli yarim himoyachi yaqin kunlar mobaynida "Andijon" qarorgohiga etib keladi va ko'rikdan o'tadi.