Rasmiy xabar: "Qo'qon-1912" bosh murabbiyi No'mon Hasanov istefoga chiqarildi
22 may 2019 11:48
Yangiliklar

Rasmiy xabar: "Qo'qon-1912" bosh murabbiyi No'mon Hasanov istefoga chiqarildi

Teglar : Qo'qon-1912 Numon Xasanov

Kecha “Qo'qon-1912” futbol klubida navbatdan tashqari yig'ilish bo'lib o'tdi.

Yig'ilishda tashkiliy masala ko'rib chiqildi. Jamoa bosh murabbiyi No'mon Hasanov o'z arizasiga binoan istefoga chiqdi. Jamoani vaqtinchalik Aziz To'xtaboev boshqarib turadi.

No'mon Hasanov 2016 yilning 2-davrasida "Qo'qon-1912"ni juda qiyin vaziyatda qabul qilib olgan edi. Tajribali murabbiy “Qo'qon-1912” jamoasini qiyin bo'lgan vaziyatda , kuchlilar safida olib qolishni uddmasidan chiqdi. Qolaversa No'mon Hasanov murabbiylik qilgan davrda juda ko'plab yutuqlarga erishildi. Jumladan “Qo'qon-1912” jamoasi 2017 va 2019 yillarda Farg'ona viloyat hokimi kubogi g'olibi bo'ldi. SHuningdek 2017 yilda Qo'qon futboli tarixidagi eng uzoq mag'lubiyatsiz seriya takrorlandi. Jamoa 2-turdan 13-turgacha 11ta o'yinda mag'lubiyat nimaligini bilmadi. “Qo'qon-1912” jamoasi Toshkentda vatanimizni grand jamoalari “Paxtakor” , “Lokomotiv” jamoalaridan ochko tortib olishga erishdi. “Bunyodkor” jamoasi o'z maydonida mag'lub etildi.

No'mon Hasanov davrida “Qo'qon-1912” futbol klubidan O'zbekiston milliy va olimpiya terma jamoalari tarkibiga 3 nafar futbolchi taklif qilindi hamda bu futbolchilar Osiyo miqyosidagi yirik halqaro musobaqalarda vatanimiz shanini munosib himoya qilishdi. No'mon Hasanov murabbiylik faoliyati davomida yosh futbolchilarni tarbiyalashga ham jiddiy etibor qaratdi. Jumladan Javohir Sidiqov, Oybek Rustamov kabi futbolchilar nafaqat “Qo'qon-1912” futbol klubining balki O'zbekiston milliy va olimpiya terma jamoalarining ham asosiy futbolchilari bo'lib etishishida bosh murabbiyning xizmatlari katta bo'ldi. No'mon Hasanov "Qo'qon-1912"ga bosh murabbiy bo'lib kelgan vaqtda asosiy maqsadi qo'qonlik futbol muxlislarini stadionga qaytarish ekanligini takidlagan edi. Darhaqiqat o'tgan mavsumlarda Qo'qondagi “Markaziy” stadioni muxlislar bilan to'lib toshdi. “Qo'qon-1912” jamoasi o'z muxlislariga juda ko'plab quvonchli va hayajonli daqiqalarni hadya qildi.

“Qo'qon-1912” futbol klubi No'monjon Nurmatovichga jamoadagi faoliyati uchun minnatdorchilik bildiradi. Biz No'mon Hasanovga mustahkam sog'lik, kelgusi faoliyatlarida omad tilaydi.