Rasmiy xabar: O'zbekiston milliy terma jamoasi Livan bilan o'rtoqlik uchrashuvi o'tkazadi

12 - 15 fevral sanalarida tashkil etiladigan qisqa muddatli yig'in davomida bitta o'rtoqlik uchrashuvi o'tkazish rejalashtirilgan. Ushbu nazorat o'yini 14 fevral kuni Livan terma jamoasiga qarshi, Dubay shahrida bo'lib o'tadi.

Takidlash kerakki, O'zbekiston milliy terma jamoasining navbatdagi rasmiy o'yinlari Jahon chempionati-2018 ikkinchi saralash bosqichi doirasida mart oyida bo'lib o'tadi. Babayan shogirdlari 24 mart kuni Filippini, 29 mart kuni esa Baxraynni Toshkentda qabul qiladi.

Ayni vaqtda O'zbekiston milliy terma jamoasi ikkinchi saralash bosqichida 6 o'yindan keyin 15 ochko to'plagan holda, “H” guruhida ikkinchi o'rinni egallab turibdi. Birinchi o'rindagi KXDR terma jamoasi hisobida 7 o'yindan keyin 16 ochko bor.