Rasmiy xabar. Bobojonov, Narzullaev va Abdulhaqov - “Metallurg” futbolchilari

“Buxoro” jamoasi bilan nazorat uchrashuvidan oldin tarkib yana uch nafar iqtidorli o'yinchi bilan rasman shartnoma imzoladi.

Ixtiyor Toshpo'latov, Salamat Quttiboev hamda SHahzodbek Ubaydullaevdan keyin Murodbek Bobojonov, Doniyor Narzullaev va Abdurahmon Abdulhaqovlar ham “Metallurg” o'yinchisiga aylanishdi.

Murodbek Bobojonov, 25 yoshda, 1994 yilning 6 iyul sanasida tavallud topgan.
Ampluasi – hujumchi.
Kuchlilar safida 2014 yildan faoliyat yuritib keladi. Muqaddam “Neftchi” (2014-2016, 2018), “Lokomotiv” (2017), “Qizilqum” (2019), “Buxoro” (2019) jamoalarida to'p surgan. 109 ta uchrashuvda maydonga tushgan. 24 ta gol kiritgan, 9 marta ogohlantirilgan. O'zbekiston chempioni (2017) va mamlakat kubogi sohibi (2017).

Doniyor Narzullaev, 24 yoshda, 1995 yilning 11 aprel sanasida tavallud topgan.
Ampluasi – yarim himoyachi.
“Nasaf” futbol klubi tarbiyalanuvchisi. Faoliyatini Qashqadaryo viloyatining bosh jamoasida 2014 yili boshlagan. Olti mavsum davomida “Nasaf” tarkibida 81 ta uchrashuvda maydonga chiqqan. 3 ta gol kiritgan, 5 marta ogohlantirilgan. Osiyo chempioni (2018 yil, U-23 chempionati, Xitoy), O'zbekiston vice chempioni (2017), O'zbekiston kubogi (2015) va Superkubogi (2016) sohibi.

Abdurahmon Abdulhaqov, 23 yoshda, 1996 yilning 16 oktyabr sanasida tavallud topgan.
Ampluasi – hujumchi.
Kuchlilar safida 2016 yildan o'ynab kelayapti. Uch yil mobaynida “Neftchi” (2016-2018) da to'p surgach, o'tgan mavsumni “Andijon” (2019) o'tkazdi. 73 ta uchrashuvda maydonga tushgan. 4 ta gol kiritgan, 17 marta ogohlantirilgan.