Rasmiy xabar: Aleksandr Volkov "SHo'rtan"ni tark etdi

"SHo'rtan" matbuot xizmatining aytishicha, Aleksandr Volkov nomalum sabablarga ko'ra jamoa bilan xayrlashishga qaror qilgan. Murabbiy kecha "Obod"ga qarshi nazorat uchrashuvidan so'ng, mehmonxonadan narsalarini yig'ishtirib, kutilmaganda klubdagilar bilan xayrlashgan. Unga "Navbahor"dan taklif tushgani aytilmoqda. Demak, yaqin orada Volkov yana "lochinlar" safiga qaytadi va jamoada jismoniy tayyorgarlik bo'yicha ish olib boradi. "SHo'rtan" rahbariyati endilikda boshqa mutaxassislarning nomzodlari bilan tanishib chiqmoqda va yaqin orada bir to'xtamga kelinadi. Hozircha vaqtinchalik mashg'ulotlar Zoir To'raqulov boshchiligida o'tkazilinadi. SHuningdek tayyorgarlik rejasiga hech qanday o'zgartirish kiritilmaydi.