Rasman: Joau Mariu sobiq klubiga qaytdi

“Inter” jamoa yarim himoyachisi Joau Mariuni Lissabonning “Sporting”iga ijaraga berdi. Ijara shartnomasi 2020/21 yilgi mavsum so'ngiga qadar amalda bo'ladi. Transferning moliyaviy jihatlari ochiqlanmagan.

O'tgan mavsum Mariu ijara asosida Moskvaning “Lokomotiv” klubida harakat qilgandi. U “temiryo'lchilar” safida 22 ta o'yinda 1 ta gol urdi va 6 ta golli uzatma berdi. Eslatib o'tish joiz, Mariu “Inter”ga aynan “Sporting”dan ko'chib o'tgandi.